Միլիոնատեր Ալեքսիս Օհանյանը պատմել է ԱՄՆ նախագահի պաշտոնում առաջադրվելու ցանկության մասին
Ամերիկյան Reddit սոցցանցի ու Initialized Capital վենչուրային հիմնադրամի հիմնադիր Ալեքսիս Օհանյանն իր հարցազրույցներից մեկում պատմել է ԱՄՆ նախագահի պաշտոնում առաջադրվելու ցանկության մասին:
Երբ Quartz-ի լրագրողը հետաքրքրվել է՝ որն է Օհանյանի՝ մեկ այլ տղամարդուց ստացած լավագույն խորհուրդը, հայազգի միլիոնատերը պատասխանել է. «Ես ցանկանում էի նախագահի պաշտոնում առաջադրվել, բայց երկրի երկու ամենաազդեցիկ տղամարդիկ ինձ ասացին, որ այս երկիրն իշխանական պաշտոններում ավելի շատ ուժեղ կանանց կարիք ունի, և եթե ես իսկապես ցանկանում եմ լուրջ փոփոխությունների հասնել, պետք է հնարավորինս ջանք գործադրեմ, որպեսզի կանայք նման բարձր պաշտոններ զբաղեցնեն»,-ասել է Օհանյանը։
Միլիոնատիրոջ խոսքով՝ առաջնորդությունը ենթադրում է իմանալ ու հասկանալ՝ երբ է անհրաժեշտ առաջնորդել, իսկ երբ՝ հետևել:
«Մեզ համար առաջնորդ դառնալու հնարավորություններ կան այս հասարակությունում, և դա հնարավոր է մեր շարքում լավագույններին աջակցելու միջոցով»,-հավելել է Օհանյանը:
Հիշեցնենք, որ հաջորդ նախագահական ընտրություններն ԱՄՆ-ում կկայանան 2020թ.: Երկրի նախկին պետքարտուղար Հիլարի Քլինթոնը չի բացառել իր մասնակցությունը, իսկ գործող նախագահ Դոնալդ Թրամփը նշել է, որ հաճույքով կմրցի Քլինթոնի հետ:
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Իրանում պատերազմը Հնդկաստանին կանգնեցրել է գազային ճգնաժամի առաջ
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Հայ-վրացական գազատարը Հայաստանի խնդրանքով կտեղափոխվի
Երևանը միանում է «Երկրի ժամ» համաշխարհային բնապահպանական նախաձեռնությանը
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
Տավուշում ոչ մի գազատար չի կառուցվել, նման գործընթաց չկա. մարզպետ