Նիկոլայ Բասկովը պաշտոնապես հաստատել է Վիկտորյա Լոպիրեւայից բաժանումը

Նիկոլայ Բասկովը պաշտոնապես հաստատել է Վիկտորյա Լոպիրեւայից բաժանումը, մինչդեռ «Ռուսաստանի ոսկե ձայնը» պետք է մոդելի եւ հեռուստահաղորդավարուհու հետ ամուսնանար Չեչնիայում, ինչպես ցանկացել էր Ռամզան Քադիրովը:

Համացանցում լուրեր են հայտնվում Վիկայի հղիության մասին, եւ լրագրողները երգչի վրա են հարձակվել հարցերով, սակայն նա լրագրողներին զարմացրել է՝ հայտնելով, որ ինքն ու Լոպիրեւան վաղուց են բաժանվել: 

«Իրականում ես եւ Վիկան դեռեւս հունվարին ենք որոշել ընկերներ մնալ, ուղղակի անհրաժեշտ չենք համարել այդ մասին հայտնել: Ես եւ Վիկան փաստացի չենք հանդիպում, պարբերաբար իրար զանգահարում ենք»,- տեղեկացրել է Բասկովը:

Երգիչը նախկին սկիրեցյալի անձնական կյանքի մասին ոչինչ չգիտի, սակայն նրա հղիության մասին լուրերը մեկնաբանել է:

 «Մենք ընկերական հարաբերություններ ունենք, մշտապես ուրախ ենք մեկս մյուսին լսել, բայց ես չեմ խցկվում նրա անձնական կյանքի մեջ, իսկ նա՝ իմ: Ես կոռեկտ չեմ համարում նրան այդպիսի անձնական հարցեր տալ: Առավել եւս հղիության մասին: Ես դրան տեղյակ չէի: Եթե դա ճիշտ է, ապա Վիկայի համար շատ ուրախ եմ: Բայց այդ փաստի հետ ոչ մի կապ չունեմ»,- Նիկոլայ Բասկովի խոսքն է մեջբերել «Կոմսոմոլսկայա պրավդան»: