Ջիգարխանյանի մասնակցությամբ «անպարկեշտ» տեսանյութի պատճառով քրեական գործ է հարուցվել

ՌԴ քննչական կոմիտեն քրեական գործ է հարուցել ԽՍՀՄ ժողովրդական արտիստ Արմեն Ջիգարխանյանի մասնակցությամբ տեսանյութ հրապարակելու առիթով: Այս մասին տեղեկացնում է Interfax-ը:

Ինչպես նշել է արտիստի փաստաբան Եվգենի Պարֆյոնովը, քրեական գործը հարուցվել է անձի անհատական կամ ընտանեկան գաղտնիքը պարունակող տեղեկատվության ապօրինի հավաքման և տարածման մեղադրանքով՝ առանց նրա համաձայնության, կամ այդ տեղեկությունները լրատվամիջոցների միջոցով տարածելու մեղադրանքով:

Փաստաբանի խոսքով՝ տեսանյութը, որն «անպարկեշտ» է անվանվել, 2017 թվականի դեկտեմբերի հինգին ցուցադրվել է Ռուսաստանի դաշնային ալիքներից մեկի թոք-շոուի եթերում:

Տեսանյութը, որում Ջիգարխանյանը ներկայացել է ոչ դուրեկան տեսքով, բջջային հեռախոսով նկարահանել է արտիստի նախկին կինը՝ Վիտալինա Ցիմբալյուկ–Ռոմանովսկայան:

Այս թեմայով Արմեն Ջիգարխանյանի ժառանգությանը տիրացել են կողմնակի մարդիկ Ցիմբալյուկ-Ռոմանովսկայան 84-ամյա Արմեն Ջիգարխանյանից մեկ մլն ռուբլի է պահանջում Արմեն Ջիգարխանյանին դուրս են գրել հիվանդանոցից Արմեն Ջիգարխանյանը հոսպիտալացվել է և գտնվում է վերակենդանացման բաժանմունքում Ջիգարխանյանի նախկին կինն ամուսնալուծությունից հետո առաջին անգամ անկեղծացել է (տեսանյութ)