Էլվիս Փրեսլիի ժամացույցը աճուրդում վաճառվել է 1,8 մլն դոլարով

1960 թվականի թողարկության ադամանդներով զարդարված Omega ժամացույցը, որը պատկանել է երաժիշտ Էլվիս Փրեսլիին, Phillips աճուրդում վաճառվել է 1,8 մլն դոլարով: Գործարքի գումարը 18 անգամ գերազանցել է նախնական ամենաբարձր գինը, փոխանցում է «Ինտերֆաքսը»:

Լոտը Omega մակնիշի ժամացույցի համար արժեքի նոր ռեկորդ է սահմանել եւ չնայած սպասումներին՝ Ժնեւում մայիսի 12-13-ն անցկացված աճուրդում ամենաթանկերից մեկն է եղել:

Ձայնագրման RCA Records ստուդիան Tiffany-ի մակնիշի 18-կարատանի սպիտակ ոսկուց Omega ժամացույցը Էլվիս Փրեսլիին է նվիրել, երբ նրա ձայնագրությունների վաճառքը հասել է 75 միլիոն նիշին: Ժամացույցի հակառակ կողմում համապատասխան գրություն է դրվագված: Հետագայում երաժիշտը ժամացույցը տվել է ներկայիս տիրոջ հորեղբորը՝ փոխանակելով նրա Hamilton-ի հետ, որը նույնպես ադամանդներով է զարդարված: