Մոսկվան պետական աջակցություն է խոստանում ԱՄՆ նոր պատժամիջոցներից տուժած ընկերություններին

Ռուսաստանը անցած շաբաթ Միացյալ Նահանգների սահմանած նոր պատժամիջոցները անընդունելի և անօրինական է որակել, հայտարարելով, որ իրեն իրավունք է վերապահում նույն կերպ պատասխանել։

Երկուշաբթի օրը Վլադիմիր Պուտինի իշխանության բարձրաստիճան պաշտոնյաները հայտարարել են, որ իրենք գնահատել են ռուսաստանյան ընկերությունների վնասը և խոստացել պետական աջակցություն պատժամիջոցներից տուժած ընկերություններին։

Նրանք խոսել են ռուբլու և ռուսական ֆոնդային ինդեքսների անկման մասին։