ՆԳ նախարարության պատվիրակությունը աշխատանքային այցով Դանիայում և Շվեդիայում էր
Մայիսի 20-23-ը ՆԳ նախարարության պատվիրակությունը՝ ՆԳ նախարարի տեղակալ Արմեն Մկրտչյանի գլխավորությամբ, աշխատանքային այցով Դանիայում և Շվեդիայում էր։ Պատվիրակության կազմում էին ՆԳ նախարարի խորհրդական Վարդան Վարդանյանն ու Հանցավորության վիճակագրության և հետազոտական կենտրոնի պետ Գոհար Բեգոյանը։
ՆԳՆ պատվիրակության անդամները հանդիպել են Դանիայի խորհրդարանական օմբուդսմենի գրասենյակի ներկայացուցիչների հետ։ Քննարկվել է օմբուդսմենի ինստիտուտի դերը՝ որպես ազգային կանխարգելիչ մեխանիզմ, ինչպես նաև ոստիկանության գործունեության նկատմամբ վերահսկողության, մշտադիտարկման, ստուգումների և բողոքների քննության ուղղությամբ կիրառվող գործիքակազմը։
Դանիայի ոստիկանության բողոքների քննություն իրականացնող անկախ մարմնի ներկայացուցիչը հեռավար ձևաչափով ներկայացրել է կառույցի լիազորությունները, ինստիտուցիոնալ նշանակությունը, ինչպես նաև ոստիկանության ծառայողների դեմ ներկայացվող բողոքների քննության ընթացակարգերը, կիրառվող մեթոդներն ու չափորոշիչները։
Դանիայի մարդու իրավունքների ինստիտուտի ներկայացուցիչների հետ քննարկվել են մարդու հիմնարար իրավունքների պաշտպանությանն ուղղված մեխանիզմները, ինչպես նաև ոստիկանության վարքագծի վերահսկման, բողոքների քննման գործիքակազմերը։
Խոշտանգումների կանխարգելման դանիական ինստիտուտի՝ «Դիգնիթի» ներկայացուցիչների հետ հանդիպման ընթացքում ՆԳՆ պատվիրակության անդամները ծանոթացել են խոշտանգումների և վատ վերաբերմունքի կանխարգելման ուղղությամբ դանիական փորձին ու պետական մարմինների, քաղաքացիական հասարակության և միջազգային կազմակերպությունների միջև համագործակցության ձևաչափերին։
Դանիայի արտաքին գործերի նախարարությունում տեղի է ունեցել հանդիպում Մարդու իրավունքների եվրոպական դատարանում Դանիայի կառավարության ներկայացուցչի և համաներկայացուցչի հետ։ Ներկայացվել են ՄԻԵԴ-ում կառավարության ներկայացուցչի դերը, գործառույթներն ու աշխատանքային մեթոդները, ինչպես նաև ազգային մակարդակում ՄԻԵԴ վճիռների արդյունավետ կատարմանն ուղղված քայլերը։
ՆԳՆ պատվիրակությունն այցելել է նաև Կոպենհագենի համալսարանական քոլեջ, որտեղ ներկայացվել է Դանիայի ոստիկանության համակարգի կառուցվածքը, լիազորություններն ու հիմնական գործառույթները։
Պատվիրակության անդամները շրջել են Կոպենհագենի ոստիկանության բաժանմունքում, ծանոթացել ձերբակալվածների պահման վայրերի և սպասասրահների պայմաններին։ Ոստիկանության «Երկխոսություն» ստորաբաժանման ներկայացուցիչը ծանոթացրել է ստորաբաժանման գործունեությանն ու լիազորություններին, ներկայացրել զանգվածային միջոցառումների ժամանակ կիրառվող աշխատանքային մեթոդներին։
Շվեդիայի Լունդ քաղաքում պատվիրակությունը հանդիպել է Ռաուլ Վալենբերգի անվան մարդու իրավունքների և մարդասիրական իրավունքի ինստիտուտի ներկայացուցիչների հետ, ծանոթացել ոլորտային ուղղություններով աշխատանքի առանձնահատկություններին։
Կայացել է կլոր սեղան-քննարկում, որի ընթացքում ներկայացվել է հավաքների և հանրային միջոցառումների ժամանակ ոստիկանության աշխատանքը, ցույցերի և հանրային հավաքների կառավարման փորձը։
Այցը կազմակերպվել է Եվրոպայի խորհրդի «Աջակցություն Հայաստանում մարդու իրավունքների եվրոպական կոնվենցիայի արդյունավետ կիրառմանը՝ ՄԻԵԴ վճիռների արդյունավետ կատարման միջոցով» ծրագրի շրջանակում՝ ԵԽ Մարդու իրավունքների և օրենքի գերակայության գլխավոր տնօրինության աջակցությամբ։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Գայի պողոտայում գտնվող առևտրի կենտրոններից մեկում հրդեհ է բռնկվել
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գազի մատակարարումները Ռուսաստանից Հայաստան շարունակվում են բնականոն հունով
Գազամատակարարման վթարային դադարեցում Երևանի մի շարք հասցեներում