«ԱՄՆ ֆինանսների նախարարության Օտարերկրյա ակտիվների վերահսկման վարչությունը (OFAC) լրացուցիչ միջոցներ է ձեռնարկում նավթի՝ իրանցի զինվորականների շահերից բխող վաճառքի դեմ, ինչը ռեժիմին թույլ է տալիս ֆինանսավորել իր զինված ուժերի վերականգնումը և շարունակական սպառնալիք ներկայացնել Միացյալ Նահանգների և տարածաշրջանում նրանց գործընկերների համար», - պարզաբանել են ֆինանսների նախարարությունում։

Ֆինանսների նախարարության հայտարարության համաձայն՝ պատժամիջոցների տակ հայտնված 16 ընկերությունների թվում կան Չինաստանում, այդ թվում՝ Հոնկոնգում, Կատարում, Հնդկաստանում, ԱՄԷ-ում և Մարշալյան կղզիներում գրանցված ընկերություններ։

Ֆինանսների նախարարության նոր ցուցակում նշված միակ ֆիզիկական անձը Հնդկաստանի քաղաքացի է։

Ֆինանսների նախարարության ցուցակներում ավելացված ութ լցանավերը նավարկում են Մարշալյան կղզիների, Կամերունի, Կոմորյան կղզիների, Պանամայի, Պալաուի և Սան Մարինոյի դրոշների ներքո։

Հինգշաբթի ԱՄՆ ֆինանսների նախարարությունը պատժամիջոցներ է սահմանել Պարսից ծոցի գործերի վարչության (PGSA) նկատմամբ, որը ստեղծվել է Իրանի կողմից Հորմուզի նեղուցում նավագնացությունը վերահսկելու համար։