Ամերիկայի հայկական համագումարը ողջունում է Ռուբիոյի Հայաստան այսօրվա այցը ու փոխանցում մտահոգություններ
ԱՄՆ պետքարտուղար Մարկո Ռուբիոյի Հայաստան պետական այցը Ամերիկայի հայկական համագումարը ողջունում է` շեշտելով ԱՄՆ–Հայաստան հարաբերությունների շարունակական ամրապնդումն ու երկու երկրների միջեւ բարձր մակարդակի կայուն ներգրավվածությունը։
«Միեւնույն ժամանակ, ԱՀՀ-ն շարունակում է խոր մտահոգություն հայտնել Բաքվի՝ Ադրբեջանում ապօրինաբար պահվող բոլոր քրիստոնյա հայ պատանդներին ազատ արձակելու շարունակական մերժման կապակցությամբ եւ կոչ է անում նրանց անհապաղ ու անվերապահ ազատ աարձակել»,- նշված է ԱՀՀ հայտարարության մեջ։
ԱՀՀ-ն շեշտելով, որ նախագահ Թրամփը խոստացել էր «պաշտպանել հալածվող քրիստոնյաներին» եւ Սպիտակ տանը «Խաղաղության եւ միջպետական հարաբերությունների հաստատման» հանդիպման ընթացքում պարտավորվել էր նախագահ Ալիեւի հետ անմիջականորեն բարձրացնել պատանդ պահվող քրիստոնյա հայերի ազատ արձակման հարցը, կոչ է արել ԱՄՆ-ին «այս հանձնառությունները վերածել կոնկրետ եւ չափելի գործողությունների»։
Հայտարարության մեջ նշված է, որ մինչ ԱՄՆ-ն եւ Հայաստանը շարունակում են համատեղ աշխատանքը՝ առաջ մղելու TRIPP-ը, ինչպես նաեւ մի շարք փոխըմբռնման հուշագրեր առանցքային ոլորտներում, ԱՀՀ-ն վերահաստատում է Հայաստանի անվտանգության ենթակառուցվածքների ամրապնդման եւ Արցախի հայերի շարունակվող հումանիտար կարիքների հասցեագրման կարեւորությունը։ «Սա ներառում է նաեւ իրենց բնիկ հայրենիք վերադառնալու իրավունքի աջակցությունը՝ անվտանգության, ժողովրդավարական իրավունքների եւ հայկական մշակութային ժառանգության ու կրոնական վայրերի լիարժեք պաշտպանության իմաստալից երաշխիքներով»,- նշված է հայտարարության մեջ։
ԱՄՆ պետքարտուղարը Հայաստան է ժամանելու այսօր։ ԱԳՆ-ից հայտնում են, որ տեղի կունենա արտաքին գործերի նախարար Արարատ Միրզոյանի և Մարկո Ռուբիոյի հանդիպումը, որից հետո նախարարները հանդես կգան մամուլի համար հայտարարություններով: Ծրագրված է երկկողմ փաստաթղթերի ստորագրում:
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Գայի պողոտայում գտնվող առևտրի կենտրոններից մեկում հրդեհ է բռնկվել
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը
Գազամատակարարման վթարային դադարեցում Երևանի մի շարք հասցեներում
Գազի մատակարարումները Ռուսաստանից Հայաստան շարունակվում են բնականոն հունով