Ուկրաինան իրացնում է ինքնապաշտպանության իր իրավունքը՝ համաձայն ՄԱԿ-ի կանոնադրության
Ուկրաինան Ռուսաստանին մեղադրել է ռադիոէլեկտրոնային պայքարի միջոցներով ուկրաինական դրոննները միտումնավոր Բալթյան երկրներ վերաուղղորդելու համար: Մայիսի 19-ին Էստոնիայում դրոնի հետ կապված նոր միջադեպից հետո՝ Կիևը հերքել է Մոսկվայի պնդումները, որոնց համաձայն Ուկրաինան Բալթյան երկրների օդային տարածքն օգտագործում է ռուսական տարածքին հարվածներ հասցնելու համար:
«Մենք կրկին պնդում ենք, որ ռուսական քարոզչությանը հակառակ՝ ո՛չ Էստոնիան, ո՛չ Լատվիան, ո՛չ Լիտվան, ո՛չ Ֆինլանդիան երբեք թույլտվություն չեն տվել օգտագործելու իրենց օդային տարածքը՝ Ռուսաստանին հարվածել համար: Ավելին՝ Ուկրաինան երբեք նման խնդրանքներ չի ներկայացրել», - հայտարարության մեջ նշել է Ուկրաինայի արտաքին գործերի նախարարության խոսնակ Գեորգի Տիխին:
«Ուկրաինան իրացնում է ինքնապաշտպանության իր իրավունքը՝ համաձայն ՄԱԿ-ի կանոնադրության 51-րդ հոդվածի: Մեր օրինական ռազմական թիրախները գտնվում են Ռուսաստանի տարածքում, և դրանք ոչնչացնելու համար օգտագործում ենք Ռուսաստանի օդային տարածքը»,- հավելել է Ուկրաինայի արտաքին գործերի նախարարությունը:
Կիևը նաև ներողություն է խնդրել Էստոնիայից, Լատվիայից, Լիտվայից և Ֆինլանդիայից՝ մայիսի 19-ի միջադեպի համար և շնորհակալություն է հայտնել իր գործընկերներին՝ ցուցաբերած «աջակցության և համերաշխության համար»:
ՆԱՏՕ-ի գլխավոր քարտուղար Մարկ Ռյուտեն Ռուսաստանին է մեղադրել, որ Հյուսիսատլանտյան դաշինքը ստիպված է եղել Էստոնիայի տարածքում խոցել ուկրաինական անօդաչու թռչող սարքը:
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Ռուսաստանը և Ուկրաինան իրականացրել են «205-ը 205-ի դիմաց» ձևաչափով ռազմագերիների փոխանակում
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
ԱՄՆ-ն Չինաստանի օգնության կարիքը չունի Իրանի հարցում. Ռուբիո
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
Հայաստանի պատվիրակը չհաղթահարեց «Եվրատեսիլ 2026»-ի երկրորդ կիսաեզրափակիչը
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
Բնապահպանության և ընդերքի տեսչական մարմինը խախտումներ է արձանագրել «Շաքի» ՓՀԷԿ-ում