Ռուսաստանը և Չինաստանը արգելափակել են Հորմուզի նեղուցի վերաբերյալ ՄԱԿ-ի Անվտանգության խորհրդի բանաձևը
Բահրեյնի բանաձևը, որը կոչ էր անում պաշտպանել Հորմուզի նեղուցում նավարկության ազատությունը, ՄԱԿ-ի Անվտանգության խորհրդում քվեարկության արդյունքում չի ընդունվել` Ռուսաստանի և Չինաստանի վետոյի պատճառով։ Տասնմեկ երկիր քվեարկել է փաստաթղթի օգտին, Պակիստանը և Կոլումբիան ձեռնպահ են մնացել։
«Բանաձևի նախագիծը կոչ էր անում պաշտպանել Հորմուզի նեղուցում նավարկության ազատությունը և խթանել համակարգված «պաշտպանական ջանքերը», ներառյալ առևտրային նավերի ուղեկցումը՝ միջազգային նավարկությունը խոչընդոտելու փորձերը կանխելու համար», - ասվում է ՄԱԿ-ի մամուլի հաղորդագրության մեջ։
ՄԱԿ-ում Ռուսաստանի մշտական ներկայացուցիչ Վասիլի Նեբենզյայի խոսքով՝ Մոսկվան «չի կարող աջակցել մի տեքստի, որը կստեղծի վտանգավոր նախադեպ միջազգային իրավունքի, ծովային միջազգային իրավունքի, ցանկացած խաղաղության ջանքերի և ՄԱԿ-ի Անվտանգության խորհրդի հեղինակության համար»։ Մոսկվան խոստացել է շուտով Պեկինի հետ համատեղ ներկայացնել «բանաձևի այլընտրանքային նախագիծ»։
ՄԱԿ-ում Չինաստանի մշտական ներկայացուցիչ Ֆու Կոնգը հայտարարել է, որ Հորմուզի նեղուցի վերաբերյալ Բահրեյնի բանաձևը «պարունակում է միակողմանի դատապարտում և ներկայացնում է ճնշում գործադրելու փորձ»։ Նա հավելել է, որ նման բանաձևի ընդունումը «քաղաքակրթությունը ոչնչացնելու» ԱՄՆ սպառնալիքների ֆոնին սխալ ազդանշան կուղարկի։
Բահրեյնի արտաքին գործերի նախարար Աբդուլլաթիֆ բին Ռաշիդ ալ-Զայանին ափսոսանք է հայտնել, որ ՄԱԿ-ի Անվտանգության խորհուրդը չի ընդունել նախագիծը։
«Այս բանաձևի չընդունումը սխալ ազդանշան է ուղարկում աշխարհի ժողովուրդներին։ Այն ազդանշան է ուղարկում, որ միջազգային ջրային ուղիներին ուղղված սպառնալիքները կարող են անպատիժ մնալ առանց միջազգային հանրության կողմից վճռական գործողությունների»,- ասել է նա։
Դիվանագետի խոսքով՝ բանաձևի նախագծում նաև կոչ է արվում Իրանին լիովին կատարել իր միջազգային պարտավորությունները և դադարեցնել հարևան երկրների վրա հարձակումները։
ՄԱԿ-ում ԱՄՆ դեսպան Մայք Ուոլզը հայտարարել է, որ Վաշինգտոնն աջակցում է Պարսից ծոցի երկրներին, մինչդեռ Չինաստանն ու Ռուսաստանը «կողմնակից են այն ռեժիմին, որը ձգտում է վախեցնել Պարսից ծոցի երկրներին՝ նրանց հնազանդեցնելու համար»։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Գայի պողոտայում գտնվող առևտրի կենտրոններից մեկում հրդեհ է բռնկվել
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գազամատակարարման վթարային դադարեցում Երևանի մի շարք հասցեներում