ԵՄ-ն սցենարներ է դիտարկում Օրբանի հավանական հաղթանակի դեպքում
Եվրոպական միությունը կանգնած է ներքին լուրջ վերափոխումների շեմին, քանի որ Բրյուսելում արդեն իսկ քննարկվում են գործողությունների հստակ տարբերակներ՝ ուղղված Հունգարիայի վարչապետ Վիկտոր Օրբանի հնարավոր հաղթանակին հաջորդող մարտահրավերներին։ Politico պարբերականի փոխանցմամբ, եվրոպացի դիվանագետները դիտարկում են հինգ հիմնական սցենար, որոնց նպատակն է սահմանափակել Բուդապեշտի հնարավորությունները՝ արգելափակելու միության համար կենսական որոշումները։
Առաջին հերթին քննարկվում է որոշումների կայացման կարգի փոփոխությունը, ինչը թույլ կտա արտաքին քաղաքականության և բյուջետային զգայուն հարցերում հրաժարվել միաձայնության սկզբունքից՝ անցնելով որակյալ մեծամասնության քվեարկության։ Սա թույլ կտա շրջանցել մեկ պետության վետոյի իրավունքը, որը Հունգարիան պարբերաբար կիրառում է հատկապես Ուկրաինային ուղղված օգնության հարցերում։
Թեև Հունգարիային ձայնի իրավունքից զրկելու հնարավորությունը մնում է օրակարգում, սակայն դրա իրագործումը բարդանում է Սլովակիայի հավանական առարկությամբ, ինչը պահանջում է միաձայն համաձայնություն մնացած բոլոր անդամների կողմից։
Ամենաարմատական, բայց միևնույն ժամանակ ամենաքիչ հավանական տարբերակը Հունգարիային Եվրոմիությունից հեռացնելու հեռանկարն է։ Չնայած այս թեման երկար ժամանակ համարվում էր արգելված, դիվանագիտական շրջանակներում սկսել են քննարկվել իրավական այնպիսի «խորշեր», որոնք կարող են վերանայել ԵՄ-ից դուրս գալու ընթացակարգերը։
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Տավուշում ոչ մի գազատար չի կառուցվել, նման գործընթաց չկա. մարզպետ
Հայ-վրացական գազատարը Հայաստանի խնդրանքով կտեղափոխվի
Ուկրաինացի բժիշկները ռազմագերիների վիրահատություններ են կատարել առանց անզգայացման
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Ազգային ժողովը շարունակում է իր քառօրյա նիստերի աշխատանքը (տեսանյութ)
Պուտինն ապրիլի 1-ից արգելել է Ռուսաստանից դեպի ԵԱՏՄ երկրներ 100 հազար դոլարից ավելի կանխիկ գումարի ա...
Ռուսաստանում առաջարկել են ընդլայնել ռազմական գործողությունների գոտին՝ ներառելով ՆԱՏՕ-ի երկրները
Իրանում պատերազմը Հնդկաստանին կանգնեցրել է գազային ճգնաժամի առաջ
ԱՄՆ-ը և Իսրայելը Իրանի արտգործնախարարին հանել են թիրախային ցուցակից