Մեկնարկում է COP17 մեդիա դպրոցը
ՀՀ շրջակա միջավայրի նախարարությունը, Միավորված ազգերի կազմակերպության հայաստանյան գրասենյակը և Գերմանական միջազգային համագործակցության ընկերությունը (GIZ)՝ Եվրոպական միության և ԳԴՀ շրջակա միջավայրի, կլիմայական գործողությունների, բնության պահպանության և միջուկային անվտանգության նախարարության (BMUKN) աջակցությամբ հայտարարում են ուսումնական հատուկ ծրագիր՝ հայաստանյան լրագրողների և խմբագիրների համար, որոնք պատրաստվում են լուսաբանել COP17 համաժողովը և ցանկանում են խորացնել գիտելիքները կլիմայի փոփոխության, կենսաբազմազանության և բնապահպանական քաղաքականության թեմաներով:
Կենսաբազմազանության պահպանության գլոբալ զարգացումներից մինչև կլիմայական օրակարգ ու տարածաշրջանային մարտահրավերներ՝ ՄԱԿ-ի Կենսաբազմազանության մասին կոնվենցիայի և Կունմինգ-Մոնրեալ գլոբալ կենսաբազմազանության շրջանակի համատեքստում գիտնականների և ոլորտի առաջատար փորձագետների հետ քննարկումներ, մեդիա այցեր, էկոարշավներ, ինչպես նաև COP17 համաժողովի նախապատրաստական աշխատանքների էքսկլյուզիվ մանրամասներ՝ ներառյալ պատվիրակությունների կազմը, արարողակարգային առանձնահատկությունները և լրագրողների աշխատանքի կազմակերպումը՝ ընդգրկված կլինեն հայաստանյան լրագրողների համար նախատեսված եռամսյա հատուկ ծրագրում, որը կմեկնարկի ապրիլի սկզբին։
Ծրագրի տևողությունը 3 ամիս է, դասերը կկազմակերպվեն երկու փուլով հիբրիդային՝ առկա և առցանց ձևաչափով՝
1-ին փուլը՝ 10 ապրիլ (բացում) – 10 մայիս, 2026 թ.
2-րդ փուլը՝ 15 հունիս – 30 հուլիս, 2026թ.:
Դպրոցը հաջողությամբ ավարտած մասնակիցները կստանան վկայական, իսկ լավագույն մասնակիցները կստանան հավաստագրման աջակցություն՝ աշխատելու միջոցառման երկու գոտիներում։
Դպրոցի շրջանավարտներից մի քանիսին ՀՀ շրջակա միջավայրի նախարարությունը հնարավորություն կընձեռի հետագայոմ մասնակցելու նաև Հայաստանից դուրս բնապահպանական միջազգային այլ միջոցառումների։
Հատուկ մրցանակներ
2026-ի Թվապատում լրագրողական մրցույթը դպրոցի մասնակիցների համար կսահմանի հատուկ անվանակարգ՝ կլիմայի և կենսաբազմազանության թեմաների լավագույն լուսաբանումները խրախուսելու համար, ինչպես նաև կշնորհվեն հատուկ մրցանակներ։
Դիմել կարող են լրագրողներ և խմբագիրներ Հայաստանից, ովքեր հետաքրքրված են բնապահպանական թեմաներով, պատրաստ են մասնակցել դասընթացների առնվազն 80%-ին և ունեն անգլերենի իմացության աշխատանքային մակարդակ։
Դիմելու համար անհրաժեշտ է լրացնել հետևյալ հայտը:
Դիմելու վերջաժամկետը ապրիլի 7-ն է:
Դպրոցը կազմակերպում է Մեդիա նախաձեռնությունների կենտրոնը։
Հարցերի և լրացուցիչ տեղեկությունների համար կարող եք դիմել Նարինե Սաֆարյանին, [email protected], 010583620»- նշվում է հաղորդագրությունում:
ՆԳՆ քրեական ոստիկանները հերթական հանցավոր խումբն են վնասազերծել՝ կասեցնելով նրանց գործունեությունը
Եկեղեցին նույնականացնելով մեկ անձի հետ՝ դուք հստակ միտում ունեք մոլորեցնել ձեր և մեր ընտրողներին. Ալ...
Անվտանգության կանոնների պահպանումը՝ ջրահեղձությունների կանխարգելման կարևոր նախապայման․ ՆԳ նախարարութ...
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ...
Barbie Signature շարքի նոր տիկնիկ՝ Ուիթնի Հյուսթոնի կերպարով
«Բարսելոնան» առաջարկ է ներկայացրել կիսապաշտպան Ռոդրիի տրանսֆերի համար
Մեղրիում կասեցվել է զովացուցիչ ըմպելիքի արտադրամասի գործունեությունը
Երջանիկ եմ հայտնվել նման մեծ ու հարուստ պատմություն ունեցող ակումբում. Ռոնալդ Արաուխո
Եթե իրավապահները պարզեն, որ խախտում կա, մենք կունենանք հերթական քաղբանտարկյալը. Ծովինար Վարդանյան
Ռոբոտ-շները կպահպանեն Չինաստանի լուսնային կայանը