Իսրայելը բուֆերային գոտի է ստեղծում հարավային Լիբանանում. Նեթանյահու

«Մենք ստեղծել ենք իրական անվտանգության բուֆեր, որը կանխում է Գալիլեա ցամաքային ներխուժումը հյուսիսային սահմանով։ Մենք ընդլայնում ենք այդ անվտանգության բուֆերը՝ հակատանկային հրթիռների սպառնալիքը մեր բնակեցված տարածքներից ավելի հեռու մղելու համար։ Մենք պարզապես ավելի լայն բուֆերային գոտի ենք ստեղծում»,- ասել է Նեթանյահուն, հայտնել են Իսրայելի վարչապետի գրասենյակից։

Նա այդ հայտարարությունն արել է հյուսիսային սահմանային շրջանների ղեկավարների հետ տեսակոնֆերանսի ժամանակ։ Լիբանանում ընթացող մարտերի վերաբերյալ Նեթանյահուն հայտարարել է, որ «Հըզբոլլահի» ռազմական թևը պատրաստվում էր ներխուժել Իսրայելի տարածք, սակայն բանակը, ենթադրաբար, վերացրել է այդ սպառնալիքները։

Ըստ նրա՝«Հըզբոլլահի» հրթիռային զինանոցը նույնպես մեծ սպառնալիք էր ներկայացնում Իսրայելի համար։ «Կար սպառնալիք, որ նրանք կվերացնեն Գալիլեան և Իսրայելի քաղաքները, Իսրայելի բոլոր քաղաքները՝ վերածելով ավերակների։ Մենք վերացրել ենք այդ սպառնալիքի մեծ մասը, չնայած աշխատանքը դեռ ավարտված չէ»,- հայտարարել է Նեթանյահուն։ -Այժմ մենք կանգնած ենք «Հեզբոլլահ»-ը վերացնելու խնդրի առաջ։ Դա կապված է Իրանի դեմ ընդհանուր արշավի հետ, որը, չնայած լրատվամիջոցների հաղորդագրություններին, դեռևս լիարժեք ընթացքի մեջ է։ Մենք վճռական ենք Լիբանանում իրավիճակը հիմնարար կերպով փոխել»,- հավելել է նա։