Սպիտակ տունը «անպատասխանատու» է որակել ինսայդերական տեղեկատվության օգտագործման մասին ենթադրությունները

ԱՄՆ նախագահ Դոնալդ Թրամփի՝ «Իրանի հետ արդյունավետ բանակցությունների» մասին հրապարակումից 15 րոպե առաջ նավթային շուկայում կնքվել են շուրջ 580 մլն դոլարի գործարքներ, հաղորդում է Financial Times-ը՝ վկայակոչելով Bloomberg-ի տվյալներին։

Նախօրեին` մարտի 23-ին, Նյու Յորքի ժամանակով 6:49-ից 6:50-ն ընկած ժամանակահատվածում վաճառվել է Brent և West Texas Intermediate տեսակի նավթի մոտ 6,2 հազար ֆյուչերս։

Առևտրի ծավալները կտրուկ աճել են 6:50-ից 27 վայրկյան առաջ։ Դրան հաջորդել է S&P 500 ինդեքսի ֆյուչերսների աճը։ 7:04-ին Դոնալդ Թրամփը Truth Social-ում հրապարակել է բանակցությունների մասին գրառում, ինչը բերել է էներգակիրների գների կտրուկ անկման և ֆոնդային ինդեքսների աճի։

Սպիտակ տանը ինսայդերական տեղեկատվության օգտագործման մասին ենթադրությունները անվանել են «չապացուցված և անպատասխանատու»։