USS Gerald R. Ford ավիակիրը կմտնի Հունաստանի Կրետե կղզու ԱՄՆ ռազմածովային ուժերի բազա
Ամերիկյան USS Gerald R. Ford ավիակիրը, որը մասնակցում է Իրանի դեմ ռազմական գործողությանը, կմտնի Հունաստանի Կրետե կղզու ԱՄՆ ռազմածովային ուժերի բազա: Ինչպես հայտնում է «Արմենպրես»-ը, այս մասին հաղորդել է Reuters գործակալությունը։
Ամերիկայի ամենանոր և աշխարհի ամենամեծ ավիակիրը ներկայումս գտնվում է Կարմիր ծովում: Reuters-ի հետ անոնիմության սկզբունքով խոսացած երկու պաշտոնյաները հայտնել են, որ այն ժամանակավորապես կմեկնի հունական Կրետե կղզու Սուդա ծովածոց: Հայտնի չէ, թե ավիակիրը որքան ժամանակ կմնա Կրետեում:
Մարտի 12-ին ԱՄՆ ռազմածովային ուժերի Կենտրոնական հրամանատարությունը հայտնել է USS Gerald R. Ford ավիակրում հրդեհի մասին։ The New York Times-ի տվյալներով՝ հրդեհը չեն կարողացել մարել ավելի քան 30 ժամ:
Reuters-ի զրուցակիցները հայտնել են, որ նավի գլխավոր լվացքատանը բռնկված հրդեհից ստացած վնասվածներից բուժօգնություն է ստացել մոտ 200 նավաստի: Հրդեհը վերահսկողության տակ վերցնելու համար ժամեր են պահանջվել և վնասվել է մոտ 100 քնելու տեղ:
Ford-ը, որի վրա կա ավելի քան 5000 նավաստի, ունի ավելի քան 75 ռազմական ինքնաթիռ, այդ թվում՝ կործանիչներ, ինչպիսիք են F-18 Super Hornets-ը:
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Պարզեցվել է անհատական բնակելի տների կառուցման գործընթացը
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Գյումրու գլխավոր ճարտարապետը մեղադրյալի աթոռին է՝ կաշառք ստանալու, պաշտոնեական կեղծիքի համար
Իրանի հանգուցյալ գերագույն առաջնորդի կինը ողջ է
Սահարայի ավազները սպիտակել են
ՆԳՆ ոստիկանությունը հորդորում է զգոն լինել․ շարունակում են շրջանառվել կեղծ օգտահաշիվներ