Իրանը բանակցում է ՖԻՖԱ-ի հետ Աշխարհի առաջնության խաղերը ԱՄՆ-ից Մեքսիկա տեղափոխելու շուրջ
Մեքսիկայում Իրանի դեսպանատունը X սոցիալական հարթակում տարածած պաշտոնական հայտարարությամբ տեղեկացրել է, որ Իրանի ֆուտբոլի ֆեդերացիայի նախագահ Մեհդի Թաջը ներկայումս բանակցություններ է վարում Ֆուտբոլի միջազգային ֆեդերացիայի (ՖԻՖԱ) հետ՝ Իրանի հավաքականի մասնակցությամբ Աշխարհի առաջնության բոլոր հանդիպումները Մեքսիկա տեղափոխելու նպատակով:
Այս կտրուկ որոշումը պայմանավորված է ԱՄՆ նախագահ Դոնալդ Թրամփի վերջին հայտարարությամբ, ով նշել էր, թե Իրանի ազգային թիմի մասնակցությունը մրցաշարին նպատակահարմար չէ՝ հաշվի առնելով նրանց կյանքի և անվտանգության ապահովման հետ կապված հնարավոր ռիսկերը:
2026 թվականի Աշխարհի առաջնությունը, որը պետք է մեկնարկի հունիսի 11-ին, անցկացվելու է ԱՄՆ-ի, Կանադայի և Մեքսիկայի համատեղ հյուրընկալությամբ, իսկ Իրանի ընտրանին արդեն իսկ նվաճել է մրցաշարի ուղեգիր: Ըստ նախնական ժամանակացույցի՝ թիմի երկու հանդիպումները նախատեսված էին ամերիկյան Լոս Անջելես և Սիեթլ քաղաքներում, սակայն իրանական կողմը հրաժարվում է մեկնել ԱՄՆ՝ պատճառաբանելով պաշտոնական մակարդակով հնչեցված անվտանգային երաշխիքների բացակայությունը:
Մեհդի Թաջի խոսքով՝ քանի որ նախագահ Թրամփը բացահայտորեն հայտարարել է, որ չի կարող երաշխավորել իրանցի ֆուտբոլիստների անվտանգությունը, իրենք չեն պատրաստվում ռիսկի ենթարկել մարզիկներին և այժմ ջանքեր են գործադրում բոլոր խաղերը բացառապես Մեքսիկայի տարածքում անցկացնելու համար:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո