Օտարերկրյա ներդրողները ՀՀ-ում կունենան տեղացիներին հավասար իրավունքներ և պարտավորություններ
Կառավարությունը փետրվարի 19-ի նիստում հավանություն է տվել «Ներդրումների մասին» նոր օրենքի նախագծին, որով օտարերկրյա ներդրողները կունենան տեղացիներին հավասար իրավունքներ և պարտավորություններ: Նախագիծը, որը կարգավորելու է ինչպես տեղական, այնպես էլ օտարերկրյա ներդրումների հետ կապված հարաբերությունները, նպատակ ունի ստեղծել թափանցիկ, կանխատեսելի և միջազգային չափանիշներին համապատասխանող ներդրումային դաշտ, նշված է որոշման մեջ:
«Նախագծի նպատակն է ամրագրել ներդրումային հարաբերություններում ժամանակակից պահանջներին համապատասխան իրավական հիմքեր ինչպես տեղացի ներդրողների, այնպես էլ օտարերկրյա ներդրողների համար: Ներկայումս գործում է «Օտարերկրյա ներդրումների մասին» օրենքը, որը չի ապահովում ներդրումային գործընթացի ժամանակակից պահանջներին համապատասխան ամբողջական կարգավորում»,- ասել է Էկոնոմիկայի նախարարի տեղակալ Լիլյա Սիրականյանը:
Նախագծի առանձնահատկություններից է այն, որ դրա կարգավորումները տարածվելու են ոչ միայն օտարերկրյա, այլև տեղական ներդրումների և ներդրողների վրա: Նախագիծը սահմանում է խտրականության բացառման երկու հիմնական երաշխիք՝ ազգային ռեժիմ, որով օտարերկրյա ներդրողներն ստանալու են տեղացիներին հավասար իրավունքներ և առավել բարենպաստության ռեժիմ, որով մի երկրի ներդրողը կարող է ակնկալել նույն բարենպաստ վերաբերմունքը, ինչ այլ երկրի ներդրողը:
Բացառություն են կազմում միայն միջազգային պայմանագրերով ստեղծված մաքսային միությունների, ազատ տնտեսական գոտիների և տնտեսական միությունների շրջանակում կիրառվող ռեժիմները: Նախագծով սահմանվում են ներդրումների իրավական և ֆիզիկական պաշտպանվածության երաշխիքներ, թափանցիկություն և կայունություն, ինչպես նաև այնպիսի երաշխիքներ, ինչպիսիք են կապիտալի և գույքի ազատ տեղաշարժն ու փոխարկումը, հողի նկատմամբ սեփականության իրավունքները, աշխատողներ վարձելու երաշխիքը, վեճերի լուծման մեխանիզմները և արդարադատության մատչելիությունը:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար