Danone-ի մանկական կաթնախառնուրդները Թուրքիան հետ է կանչել՝ դրանցում առկա տոքսինի պատճառով

Թուրքիայի իշխանությունները հայտարարել են Danone ապրանքանիշի Aptamil մանկական կաթնախառնուրդները հետ կանչելու մասին՝ դրանցում ցերեուլիդ տոքսինի առկայության պատճառով։

«Սկսվել է ավելի վաղ Թուրքիա ներկրված մանկական Aptamil First Infant Formula կերերի հետկանչի գործընթացը՝ երեխաների առողջության համար վտանգ ներկայացնող ցերեուլիդ տոքսինի պարունակության պատճառով։ Խնդրում ենք չօգտագործել գնված խառնուրդները և դրանք վերադարձնել խանութներ», - նշված է Գյուղատնտեսության և անտառային տնտեսության նախարարության մամուլի հաղորդագրության մեջ։ Հունվարին թուրքական իշխանությունները հետ էին կանչել նաև Nestle ընկերության SMA Optipro մանկական կերերը։