Skoda-ի ապագան անիվների վրա. Vision O կոնցեպտ ավտոմեքենան զարմացնում է իր ֆուտուրիստական դիզայնով
Skoda Vision O կոնցեպտ ավտոմեքենան (նոր ոճ, դիզայն և տեխնոլոգիաներ ցուցադրելու համար նախատեսված ապագայի ավտոմեքենայի նախատիպ, որը հաճախ ցուցադրվում է ավտոցուցասրահներում՝ հանդիսատեսի արձագանքը ստուգելու համար -խմբ), որն առաջին անգամ ցուցադրվել է Մյունխենի ավտոսրահում, ևս մեկ քայլ է կատարել դեպի արտադրական ապագա. ընկերությունը լիովին ֆունկցիոնալ նախատիպ է ներկայացրել, գրում է Autocar-ը։
Չնայած դրան, մոդելի իրական թողարկումը դեռ շատ հեռու է։ Ապրանքանիշի ղեկավարները շեշտում են, որ դրա թողարկումը, հավանաբար, տեղի կունենա ոչ շուտ, քան հինգ տարի անց։ Vision O-ն կարող է դառնալ ներկայիս Skoda Octavia-ի իրավահաջորդը, քանի որ այն չափսերով դիրքավորված է Octavia-ի և Superb-ի միջև։ Ակնկալվում է, որ արտադրական տարբերակը ոչ միայն որպես լիովին էլեկտրական ավտոմեքենա կառաջարկվի, այլև որպես plug-in հիբրիդ, ինչն արտացոլում է ապրանքանիշի ճկունության և դեպի աստիճանական էլեկտրաֆիկացման ձգտումը։
Կոնցեպտը միաժամանակ ցուցադրում է Skoda-ի նոր դիզայնի ուղղությունը և ծառայում է որպես փորձարարական հարթակ՝ «Simply Clever» լուծումների հետագա զարգացման համար։ Դրանք ներառում են հանվող Bluetooth բարձրախոս, բեռնախցիկում մոդուլային պահեստավորման համակարգեր և դռներում տեղադրված չորս հովանոցներ։
Ավտոմեքենայի սրահը հագեցած է ֆիզիկական կոճակներով, որոնք վարման ընթացքում հեշտացնում են գործառույթների կառավարումը: Ավտոմեքենայի սրահի կենտրոնական մասը նոր համայնապատկերային Horizon Display-ն է, որը ձգվում է վահանակի ամբողջ լայնությամբ, իսկ ներքևում տեղադրված է ուղղահայաց մուլտիմեդիա էկրան: Միասին դրանք ցուցադրում են տեղեկատվության հարուստ պաշար և հուշում Škoda-ի ապագա ինտերֆեյսի ուղղությունը:
Հիտլերի ատրճանակը՝ 42 մլն դոլարով. «Երկրի վրա ամենաթանկարժեք զենքը» հայտնվել է աղմկահարույց դատական ...
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
Շիրակի մարզի որոշ հասցեներում գազ չի լինի
Աբդոլլահին նշանակվել է Իրանի զինված ուժերի գլխավոր շտաբի պետ
Հայաստանում ամառային հանգիստը որքանո՞վ է հասանելի միջին ընտանիքին
Արարատ Միրզոյանը հեռախոսազրույց է ունեցել Ուկրաինայի ԱԳ նախարարի հետ
«Ուժեղ Հայաստանի» դեմքով Սերժ Սարգսյանը ներկայացված է ԱԺ դահլիճում. Տարոն Չախոյան
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
Վանաձորի մի շարք հասցեներում գազանջատումներ կլինեն
ARMAT Fest 2026. Դիլիջանում կանցկացվի ժամանակակից հայկական մշակույթը, երաժշտությունն ու ստեղծարարութ...