Պոլիէթիլենային պարկերի և տոպրակների վաճառքը կարգելվի 2027-ի հունվարի 1-ից
Նախատեսվում է 2027 թվականի հունվարի 1-ից արգելել պոլիէթիլենային պարկերի և տոպրակների օտարումը, ինչպես նաև առկայությունն առևտրի օբյեկտներում, հանրային սննդի օբյեկտներում, շրջիկ առևտրի կետերում, մանրածախ առևտուր իրականացնելիս՝ բացառությամբ կշռափաթեթավորման և երկրորդային հումքից արտադրված աղբի համար նախատեսված պարկերի:
Այդ մասին, այսօր՝ նոյեմբերի 14–ին, կառավարության նիստում ասաց Շրջակա միջավայրի նախարար Համբարձում Մաթևոսյանը՝ ներկայացնելով թեմային առնչվող նախագծի փաթեթ՝ միաժամանակ նշելով, որ որպես շրջակա միջավայրի ոլորտի առաջնահերթ ուղղություն՝ արդեն իսկ ամրագրված է մեկանգամյա օգտագործման պոլիէթիլենային արտադրանքի գործածության աստիճանական կրճատման և արգելման մասին: «Արգելքը կտարածվի նաև 50 միկրոնից ավելի հաստություն ունեցող պոլիէթիլենային պարկերի և տոպրակների վրա: Սա փաստացի գործող կարգավորում է: Որպես այլընտրանք՝ դիտարկվում են թղթից և կտորից պատրաստված բազմակի օգտագործման համար նախատեսված տոպրակները:
Արգելվում է նաև պլաստիկից կամ փրփրապլաստից պատրաստված մեկանգամյա օգտագործման տարաների և սպասքի առկայությունը կամ օտարումը նույն վայրերում: Այստեղ ևս սահմանված է բացառություն կշռափաթեթավորման համար օգտագործվող կափարիչով պլաստիկից տարաների համար: Որպես այլընտրանք՝ դիտարկվում են թղթից և փայտանյութից պատրաստված սպասքը, ինչպես նաև թղթից կամ փայլաթիթեղից պատրաստված տարաները»,- ասաց նա:
Մեկանգամյա օգտագործման պլաստիկի սպառման սահմանափակումը, ըստ նախարարի, ոչ միայն բնապահպանական, այլև քաղաքական, տնտեսական և առողջապահական կարևոր նշանակություն ունի: Այն համահունչ է նաև «Առողջության համընդհանուր ապահովագրության մասին» օրենքի տրամաբանությանը, քանի որ այս նախագիծը կանխարգելելու է շնչառական հիվանդությունների և քաղցկեղի ռիսկը:
Անդրադառնալով թեմային՝ վարչապետ Նիկոլ Փաշինյանը նշեց՝ այս թեմայով պետք է հանրային իրազեկման արշավներ անել: Ամենօրյա ռեժիմով աշխատանք պետք է կատարվի տնտեսվարողների հետ, և եթե անհրաժեշտ է, պետք է նաև աջակցության ծրագրեր իրականացնել՝ հաշվի առնելով այն հանգամանքը, որ մենք բոլորս, ըստ Փաշինյանի, սովոր ենք աշխատել, ապրել պլաստիկի հետ:
«Այն, որ այս խնդիրը մեր երկրի համար վաղուց հասունացած է, մենք բոլորս տեսնում ենք՝ նույնիսկ ցանկացած տեղ գնալով: Նույնիսկ մեքենայի պատուհանից է երևում, որ այդ պրոբլեմն արդեն էլ տեղ չկա, էնքան ահագնացող է»,- ասաց նա:
Փոխվարչապետ Մհեր Գրիգորյանն իր հերթին կարծիք հայտնեց, թե խնդիրը ռեալ կլուծվի, եթե պլաստիկի արտադրման և ներմուծման դեմ պայքար լինի:
Քրոջը սպանած տղամարդուն բռնել են զոհի ձեռքերը պայուսակի մեջ քողարկելիս
Ընտանեկան բռնությո՞ւն. Նատալյա Ռոտենբերգը հաղորդում է ներկայացրել ոստիկանություն
Լուկա Մոդրիչը 200-րդ խաղն անցկացրեց Խորվաթիայի հավաքականի կազմում
Ալյասկայում Ուկրաինայի վերաբերյալ համաձայնություն չի եղել. Ռուբիո
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
Գեղարքունիքից 303 երեխա հանգստի է մեկնել դպրոցականների ամառային ճամբար
ՀՀ վարչապետ Նիկոլ Փաշինյանի ճեպազրույցը ուղիղ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Դիդիե Դեշամը հրատապ լքել է Ֆրանսիայի հավաքականի ճամբարը
Կուսակիցները փակ հանդիպմանը կոշտ քննադատության են ենթարկել Թրամփին