Ամենահարուստ ռուսաստանցիների կարողությունը ավելացել է 28,4 մլրդ դոլարով

Ամենահարուստ ռուսաստանցիների կարողությունը 2024թ. սկզբից ավելացել է 28,431 մլրդ դոլարով, վկայում է Bloomberg գործակալության հրապարակած «Միլիարդատերերի ինդեքսը», որը, մասնավորապես, հաշվարկվում է ընկերությունների արժեթղթերի արժեքի հիման վրա։

Bloomberg Billionaires Index-ի տվյալներով՝ «Սեւերստալի» հիմնադիր Ալեքսեյ Մորդաշովը տարեսկզբից վաստակել է 5,73 մլրդ դոլար, նրա կարողությունն ավելացել է՝ հասնելով 26,6 մլրդ դոլարի, իսկ «Եվրոքիմ»-ի եւ Սիբիրի ածխաէներգետիկ ընկերության համահիմնադիր Անդրեյ Մելնիչենկոյի կարողությունն ավելացել է 5,26 մլրդ դոլարով՝ 24,1 մլրդ դոլար։ Միեւնույն ժամանակ, «Լուկօյլի» հիմնադիր Վագիթ Ալեքպերովը վաստակել է 2,69 մլրդ դոլար, նրա կարողությունը կազմում է 28,2 մլրդ դոլար։

Ամենամեծ վնասները կրել է Ռուսաստանում երկաթահանքի ամենամեծ արտադրողի՝ «Մետալոինվեստի» բաժնետեր Ալիշեր Ուսմանովը, նրա կարողությունը նվազել է 5,51 մլրդ դոլարով՝ 15,6 մլրդ դոլար։

Գործակալությունը 2012թ. մարտից հրապարակում է Bloomberg Billionaires Index-ը, որտեղ ներառվում են տեղեկություններ մոլորակի 500 ամենահարուստ մարդկանց կարողության մասին։