Զելենսկին պատժամիջոցներ է սահմանել հայկական «Air Dilijans» ավիաընկերության հիմնադրի դեմ

Ուկրաինայի նախագահ Վլադիմիր Զելենսկին ուժի մեջ է մտցրել Ուկրաինայի ազգային անվտանգության եւ պաշտպանության խորհրդի՝ 2023 թվականի հուլիսի 1-ի՝ «Անհատական հատուկ տնտեսական եւ այլ սահմանափակող միջոցների (պատժամիջոցների) կիրառման եւ փոփոխությունների մասին» որոշումը»։ Այն կիրառվել է նաեւ վրացական Georgian Airways ավիաընկերության դեմ, որը վերսկսել է թռիչքները դեպի Ռուսաստան, հաղորդում է Telegraf.ua-ն։ Պատժամիջոցները սահմանվել են 10 տարի ժամկետով։

«Մասնավորապես, Վլադիմիր Զելենսկին պատժամիջոցներ է սահմանել 190 ֆիզիկական եւ 290 իրավաբանական անձանց նկատմամբ։

Սահմանափակումների տակ է հայտնվել ոչ միայն վրացական ավիաընկերությունը, այլեւ նրա ղեկավարությունը, մասնավորապես Georgian Airways-ի տնօրեն, Ltd Piloti (404541830) եւ «Air Dilijans» ընկերության սեփականատեր Թամազ Գաիաշվիլին»,-նշում են ԶԼՄ-ները։

Պատժամիջոցների տակ է հայտնվել նաեւ «Կազանի Էլեկտրոպրիբոր» գործարանը եւ նրա ղեկավարությունը, մասնավորապես,

Շացկիխ Պավել Ալեքսանդրովիչը՝ գլխավոր տնօրենը, Ֆարհուտդինով Ռուստամ Գապտրաշիտովիչը՝ գլխավոր տնօրենի տեղակալը անվտանգության, ռեժիմի, քաղաքացիական պաշտպանության գծով, Մինգալիեւ Ռավիլ Ռաշիդովիչը՝ գլխավոր տնօրենի տեղակալը կադրերի եւ սոցիալական մշակույթի գծով։ Բացի այդ, պատժամիջոցների տակ են հայտնվել նաեւ «Ս. Պ. Կորոլյովի անվան Էներգի» հրթիռատիեզերական կորպորացիան, «502 ռազմատեխնիկական գույքի վերանորոգման գործարանը», «Կիմովի ռադիոէլեկտրամեխանիկական գործարանը», «Թինիսը» (Ղազախստան) եւ այլ ընկերություններ Կիպրոսից եւ Բելառուսից։

Այս թեմայով Կիևում բացատրել են Զելենսկու որոշումը՝ զիջումների հարցը հանրաքվեի դնելու վերաբերյալ Ռոյթերս. Ուկրաինայի՝ ՆԱՏՕ-ից հրաժարվելը չի ​​ազդի բանակցությունների վրա Ես պատրաստ եմ. Զելենսկին՝ նախագահական ընտրությունների մասին ԵՄ-ի, ԵՀ-ի և ՆԱՏՕ-ի ղեկավարների հետ Զելենսկու հանդիպումը տեղի կունենա դեկտեմբերի 8-ի երեկոյան՝ առանց ԶԼՄ-ների Թշնամիները պիտի վախենան Թրամփից, իսկ մենք թշնամի չենք. Զելենսկի