Կանայք վտանգավոր խաղ են սկսել եւ անցնում են բոլոր սահմանները

Դերասանուհի Հեզեր Լինդը հայտարարել է, որ ԱՄՆ նախկին նախագահ Ջորջ Բուշ ավագն իր նկատմամբ սեռական ոտնձգություն է թույլ տվել: 

Դերասանուհին այս մասին գրել է ինսթագրամում, սակայն կարճ ժամանակ անց հեռացրել է իր գրառումը, ամենայն հավանականությամբ, հասկանալով, որ չափն անցել է:

Նա գրել էր, թե հաշմանդամի սայլակում գտնվող նախկին նախագահը լուսանկարվելու ժամանակ ձեռքը մի քանի անգամ հպել է իր հետույքին եւ անեկդոտներ պատմել: 

Ի դեպ, այդ ժամանակ Բուշն արդեն 89 տարեկան էր:

ԱՄՆ-ում արշավ է սկսվել հոլիվուդյան պրոդյուսեր Հարվի Վայնշտեյնի դեմ: Նրա հետ աշխատած կանայք հանկարծ հիշել են, որ քսան, տաս կամ հինգ տարի առաջ նա իրեն սեռական ոտնձգություններ է թույլ տվել, եւ հիմա շատ հայտնիներ գրում են, թե ով եւ երբ է իրենց նկատմամբ սեռական ոտնձգություն թույլ տվել:

Ակնհայտ է, որ զզվելի եւ վտանգավոր խաղ են սկսել, որից առաջինը տուժելու են հենց կանայք: հետաքրքիր է, թե կինն իրեն ինչպես է զգալու, երբ տղամարդկանց կողմից լիակատար անտարբերության արժանանան, իսկ գործը գնում է դրան, որ տղամարդիկ անգամ արդեն կվախենան նայել իրենց հետ աշխատող կանանց կողմը կամ բարեւել նրանց:

Top-News.am