ԱՄՆ-ում գնել են սնանկացած Silicon Valley Bank-ը

Holding First Citizens Bank & Trust Company-ն գնել է ԱՄՆ-ում սնանկացած Silicon Valley Bank (SVB) բանկը։

«Ավանդների ապահովագրման դաշնային կորպորացիան համաձայնագիր է կնքել First Citizens Bank & Trust Company-ի կողմից Silicon Valley Bridge Bank-ը գնելու եւ բոլոր ավանդներն ու վարկերն ընդունելու մասին»,- ասվում է հաղորդագրության մեջ:

Ըստ մամուլի հրապարակումների՝ գնորդը գնել եւ ընդունել է բոլոր ավանդներն ու վարկերը։ SVB ավանդատուներն ինքնաբերաբար կդառնան First Citizens Bank-ի ավանդատուներ:

Ավելի վաղ Մինեապոլիսի Դաշնային պահուստային բանկի (FRB) նախագահ Նիլ Քաշքարին CBS News-ի եթերում ասել էր, որ ԱՄՆ բանկային համակարգում առկա խնդիրները կարող են երկրի տնտեսությունը մոտեցնել ռեցեսիայի: Նա նշել է, որ բանկային համակարգում ստեղծված իրավիճակը կարող է բացասաբար անդրադառնալ անշարժ գույքի շուկայի եւ շինարարության ոլորտի վրա։