Փաշինյանը նույնիսկ արդեն չի էլ թաքցնում, որ իրեն բացի իշխանությունից, այլևս ոչինչ չի հետաքրքրում
Նիկոլ Փաշինյանի կուսակցությունն մամլո հաղորդագրություն է տարածում հետևյալ բովանդակությամբ. «...Հունվարի 17-ին տեղի է ունեցել ՔՊ կուսակցության վարչության նիստ, որը վարել է Նիկոլ Փաշինյանը: Քննարկվել է Սիսիան, Մալաթիա-Սեբաստիա, Աջափնյակ և Նաիրի տարածքային կառույցների խորհուրդների ընտրությունների կազմակերպման հարցը, մի շարք կազմակերպչական և կադրային հարցեր:
Մտքեր են փոխանակվել Սպիտակ համայնքում սուբվենցիոն և ներդրումային ծրագրերի ակտիվացման, ինչպես նաև համայնքային կյանքի մի շարք այլ հարցերի մասին: Վարչությունը աջակցություն է հայտնել Սպիտակ համայնքի ղեկավար Քաջար Նիկողոսյանի ջանքերին...»։
Առաջին հայացքից թվում է, թե այս հաղորդակցության մեջ ոչ մի տարօրինակ բան չկա: Բայց հիշեցնենք, թե երբ է տեղի ունեցել այս նիստը: Ըստ մամլո հաղորդագրության, երեկ՝ հունվարի 17-ին: Այսինքն այն ժամանակ, երբ բոլորը քննարկում են, թե ինչպես բացել Լաչինի միջանցքը, ՔՊ-ն նույնիսկ ձևական իր հաղորդակցության մեջ չի անդրադառնում այս խնդրին:
Շատերը կասեն, թե Փաշինյանը մի անգամ չէ, որ խոսել է այս թեմայի շուրջ: Սակայն իր կուսակցությունը այս թեմայի շուրջ ոչ միայն հայտարարությամբ հանդես չի եկել, այլև նույնիսկ կարևոր չեն համարել այդ մասին մամլո հաղորդագրության մեջ: Այսինքն, Փաշինյանը նույնիսկ ձևականորեն չի ցանկանում անդրադառնալ այս խնդրին իր կուսակցության մակարդակով: Ինչը նշանակում է, որ իր համար միակ հարցը իր իշխանության պահպահման խնդիրն է: Մամլո հաղորդագրության մեջ կարմիր թելով անցնում էր հենց այս թեման:
Պարզապես ապշել կարելի է, թե ինչ աստիճանի են այս մարդիկ դարձել անհաղորդ Հայաստանի և Արցախի խնդիրներին, որ նույնիսկ ձևական մակարդակով կարիք չեն համարում թաքցնել դա:
Այդպես է լինում, երբ հանրության որակը լինում է խայտառակ ցածր, իսկ ազգի վերնախավը զբաղված է լինում ներքին կուսակցական մանր գզվռտոցներով: Այստեղ է, որ պետք է ասել, ամոթ նման վերնախավին, որ մինչ այսօր հանդուրժում է այս ամենը: Լավ և վատ ժողովուրդներ չեն լինում: Իսկ ժողովրդի խելոք լինելը կախված է իր վերնախավի գրագիտությունից և ազնվությունից:
Ցավոք, մեզ այսօր և առաջինն է պակասում, և երկրորդը: Նույն վիճակում մեր ժողովուրդը 100 տարի առաջ ցեղասպանության ենթարկվեց, սակայն հետագա 100 տարվա ընթացքում, գրեթե ոչինչ չփոխվեց: Բայց ասել, որ մենք ապագա չունենք, նույնպես չի կարելի: 100 տարի առաջ, թուրքերի մեջ առաջացավ Աթաթուրքը և այդ երկիրը ոչ միայն փոխվեց, այլև հետամնաց ժողովրդից դարձավ կիսաևրոպական ժամանակակից ազգ: Նույնը կարելի է ասել Ադրբեջանի մասին, 28 տարի առաջ Հեյդար Ալիևը փրկեց իր երկիրը կործանումից, իսկ այսօր իր ողրդին հայտ է ներկայացնում գրավել ողջ Հայաստանը:
Այնպես որ, պատմության մեջ լինում են դեպքեր, երբ երկրի քաղաքական ճահիճը կարողանում է ճեղքել մեկ մարդ, և բոլոր գորշ գործիչները ստիպված ենթարկվում են թրենդին և երկիրը դուրս է գալիս վտանգավոր վիճակից:
Ո՞վ է կատարելու այդ շոգեքարշի դերը, որը Հայաստանի գնացքը կկարողանա դնել կրկին զարգացման ռելսերի վրա: Ահա, սա է այսօրվա գլխավոր հարցը, որի լործման արդյունքում մենք կկարողանանք փրկվել:
Սա է իրականությունը:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...