2018-ից ի վեր ՀՀ-ում 108 000 նոր աշխատատեղ է ի հայտ եկել. աշխատավարձի ֆոնդն ավելացել է 73 %-ով. Փաշինյան
2022 թվականի սեպտեմբերին մենք եկամուտ-աշխատավարձով ապահովված աշխատատեղերի նոր բացարձակ ռեկորդ ենք սահմանել Հայաստանի Հանրապետության պատմության համար, և 2022 թվականի սեպտեմբերին ունեցել ենք 691 հազար 87 աշխատատեղ, որը մեր նախորդ ռեկորդից ավել է 10 հազարով, իսկ նախորդ ռեկորդը գրանցվել էր 2022 թվականի հունիսին՝ 681 հազար 50 աշխատատեղ: Այդ մասին այսօր՝ հոկտեմբերի 27-ին, կառավարության նիստում հայտարարեց ՀՀ վարչապետ Նիկոլ Փաշինյանը:
«Նաև պետք է արձանագրեմ, որ այս ցուցանիշը 2021 թվականի սեպտեմբերի համեմատ ավել է 39 946-ով կամ 6,1 տոկոսով, իսկ 2018 թվականի սեպտեմբերի համեմատ ավել է 108 312-ով կամ 18,6 տոկոսով:
Մենք կարող ենք արձանագրել, որ 2018 թվականից ի վեր Հայաստանում 108 հազար նոր աշխատատեղ է ի հայտ եկել, ստեղծվել, ստվերից դուրս եկել»,- ասաց նա:
Վարչապետը նշեց, որ 2022 թվականի սեպտեմբերին բոլոր աշխատողներին վճարված բոլոր աշխատավարձերը միասին վերցված 2021 թվականի սեպտեմբերի նկատմամբ ավել են 33 մլրդ 430 մլն դրամով կամ 23,5 տոկոսով:
«Սա, կարծում եմ, մի տարվա համար որպես աշխատավարձային ֆոնդ շատ կարևոր ցուցանիշ է, իսկ 2018 թվականի սեպտեմբերի նկատմամբ ավել է 74 մլրդ 161 մլն դրամով, կամ 73,2 տոկոսով, այսինքն՝ հիմա հանրապետության աշխատավարձային ընդհանուր ֆոնդը 73 տոկոսով ավելի է, քան 2018 թվականի սեպտեմբերին:
Շատ կարևոր է եկամտային հարկի ընդհանուր գումարը. սա թերևս այն թիվն է, որը կարող է մեզ հպարտանալու և ընդգծելու տեղ տալ: 2022 թվականի սեպտեմբերի, 2021 թվականի սեպտեմբերի նկատմամբ եկամտային հարկ ավել է հավաքագրել 5 մլրդ 351 մլն դրամով կամ 17,6 տոկոսով, իսկ 2018 թվականի սեպտեմբերի նկատմամբ՝ 10 մլրդ 556 մլն դրամով կամ 41,8 տոկոսով»,- ասաց Փաշինյանը:
Անդրադառնալով մեկ մարդուն վճարած միջին աշխատավարձին, վարչապետն արձանագրեց, որ 2022 թվականի սեպտեմբերին 2021 թվականի սեպտեմբերի համեմատ մեկ մարդուն վճարված աշխատավարձն ավել է 35 հազար 769 դրամով կամ 16,4 տոկոսով, իսկ 2018 թվականի սեպտեմբերի նկատմամբ ավել է 80 հազար 77 դրամով կամ 46,1 տոկոսով:
«Իհարկե, թվերը շատ կարևոր են և շատ տպավորիչ են, և հույս ունեմ, որ մենք այս տեմպը կշարունակենք»,- ասաց Նիկոլ Փաշինյանը:
Ինչո՞ւ ՌԴ-ն իր քաղաքացիներին Իրանից տարհանելու համար առաջին իսկ օրերից չօգտագործեց Հայաստանով անցնող...
Ռուսաստանի ԱԳՆ-ն մեկնաբանել է «Հայաստանի էլեկտրական ցանցերը» ազգայնացնելու Փաշինյանի առաջարկը
ՌԴ ԱԴԾ-ն ձերբակալել է ադամանդներ հափշտակած և հայ պատգամավորի ընկերություն մատակարարող բանդային
Կառավարության մոտ քաշել են Արսեն Թորոսյանի օձիքից. ՔՊ պատգամավորը փախել է
Երևանում ՌԴ դեսպանատունը հայտարարություն է արել
ԱՄՆ-ն Իրանին հարվածելու համար կիրառել է «բոլոր ռումբերի մայրը» համարվող ռումբը
Ռուսաստանի կոշտ զգուշացումը. ի՞նչ է նշանակում այս ամենը
Հայաստանի և Ադրբեջանի ղեկավարների հանդիպումը տեղի չի ունենա, Ալիևը լքել է Թուրքիան
Իրանն առաջին անգամ մարտական գործողությունների մեջ արձակել է «Սաջջիլ» միջին հեռահարության հրթիռը
«Տաշիր» ընկերությունների խումբը չի պատրաստվում չեղարկել Ռուսաստանում և Հայաստանում հայտարարված նախաձ...