Միլիարդատեր Ավդոլյանը Ռուսաստանում երրորդ ամենախոշոր ածխարդյունահանող ընկերությունը կստեղծի
«Էլգա Ուգոլ» եւ «Սիբանտրացիտ» ընկերությունները կմիավորվեն։ Նրանց սեփականատերը՝ ռուսաստանցի միլիարդատեր Ալբերտ Ավդոլյանը, որոշում է կայացրել միաձուլել ածխի իր ակտիվները։ Այս մասին գրել է ՌԲԿ-ն՝ հղում կատարելով գործարարին մոտ կանգնած աղբյուրին։ Միավորման արդյունքում ընկերությունը կդառնա Ռուսաստանում երրորդ ամենամեծ ածխարդյունահանողը Սիբիրի ածխի էներգետիկ ընկերությունից եւ «Կուզբասռազրեուգոլից» հետո։
Աղբյուրի համաձայն՝ միավորված ընկերությունը կոչվելու է «Էլգա-Սիբանտրացիտ ածխի ընկերություն» (ԷԼՍԻ)։ Իսկ «Ա-Փրոփերթիում», որը նույնպես պատկանում է Ավդոլյանին, ՌԲԿ-ին ասել են, որ տեղեկությունը գործարքի մասին համապատասխանում է իրականությանը։
Նոր ընկերության գլխավոր տնօրենի պաշտոնը կզբաղեցնի Ալեքսանդր Իսաեւը։ Նա հիմա ղեկավարում է թե՛ «Էլգա Ուգոլը», թե՛ «Սիբանտրացիտը»։
«Էլհա Ուգոլը» զբաղվում է Յակուտիայի հարավ-արեւելքում գտնվող Էլգայի ածխահանքի մշակմամբ։ Դա ամենամեծ հանքավայրն է Ռուսաստանում, որի պաշարները գնահատվում են ավելի քան 2,2 մլրդ տոննա։
«Սիբանտրացիտը» Ռուսաստանում ամենախոշոր մետալուրգիական ածխի արտադրողն է եւ բարձրորակ անտրացիտի արտադրման եւ արտահանման համաշխարհային առաջատարը։ Ընկերությունների խմբում են «Սիբիրյան անտրացիտը» եւ «Արեւելյան ճյուղը» Նովոսիբիրսկի մարզում եւ «Կիյազի ճյուղը» Կեմերովոյում։ 2021թ. խումբն ավելացրել է արդյունահանման ծավալն ավելի քան մեկ երրորդով՝ 22,6 մլն տոննա։
Ինչո՞ւ ՌԴ-ն իր քաղաքացիներին Իրանից տարհանելու համար առաջին իսկ օրերից չօգտագործեց Հայաստանով անցնող...
Ռուսաստանի ԱԳՆ-ն մեկնաբանել է «Հայաստանի էլեկտրական ցանցերը» ազգայնացնելու Փաշինյանի առաջարկը
ՌԴ ԱԴԾ-ն ձերբակալել է ադամանդներ հափշտակած և հայ պատգամավորի ընկերություն մատակարարող բանդային
Կառավարության մոտ քաշել են Արսեն Թորոսյանի օձիքից. ՔՊ պատգամավորը փախել է
Երևանում ՌԴ դեսպանատունը հայտարարություն է արել
ԱՄՆ-ն Իրանին հարվածելու համար կիրառել է «բոլոր ռումբերի մայրը» համարվող ռումբը
Ռուսաստանի կոշտ զգուշացումը. ի՞նչ է նշանակում այս ամենը
Հայաստանի և Ադրբեջանի ղեկավարների հանդիպումը տեղի չի ունենա, Ալիևը լքել է Թուրքիան
Իրանն առաջին անգամ մարտական գործողությունների մեջ արձակել է «Սաջջիլ» միջին հեռահարության հրթիռը
«Տաշիր» ընկերությունների խումբը չի պատրաստվում չեղարկել Ռուսաստանում և Հայաստանում հայտարարված նախաձ...