Փոխնախարար. «Կրթությունը բոլորի համար չպետք է լինի»
Սպորտի և երիտասարդության հարցերի նախարարության ուսումնասիրություններով՝ այսօր երիտասարդության գլխավոր խնդիրներն են որակյալ կրթությունը, զբաղվածությունը և սոցիալ-տնտեսական հարցերը, որոնք բնորոշ են նաև ընդհանուր հասարակության լայն շերտերին: Այս մասին հայտարարեց փոխնախարար Արսեն Քարամյանը Ռուսաստանի հայերի միության և Համաշխարհային հայկական կոնգրեսի Երիտասարդական կազմակերպությունների ասոցիացիայի կազմակերպած երիտասարդների հետ հանդիպման ժամանակ:
Արսեն Քարամյանն անդրադարձավ երիտասարդների բարձրացրած աշխատաշուկա-բարձրագույն կրթություն հարաբերակցության խնդրին: Արդյոք հայաստանյան աշխատաշուկան հնարավորություն ունի՞ շրջանավարտների գոնե 3 տոկոսին ապահովել աշխատանքով: Պատասխանը բացական էր: «Իհարկե, ոչ: Բարձրագույն կրթության ոլորտում ունենք խայտառակ իրավիճակ: Այս կրթահամակարգը և իր բոլոր կարծրատիպերը ժառանգել ենք խորհրդային միությունից, փորձել ենք ադապտացնել եվրոպական ինչ-որ գործընթացների. չի հաջողվում»:
Արսեն Քարամյանի պնդմամբ՝ Հայաստանում բոլորը տառապում են բարձրագույն կրթություն ստանալու մոլուցքով: «Բուհերի դռները բաց են բոլորի համար, էստի համեցեք են կանչում, քանի որ երիտասարդը պոտենցիալ դրամատու է իրենց համար: Բուհերը ծանրաբեռնված են նաև սոցիալական գործառույթով, իրենք պարտավոր են աշխատավարձ վճարել, դրա համար հայտարարում են՝ իբր կրթությունը պետք է լինի մատչելի: Ոչ, կրթությունը պետք է լինի թանկ ու որակյալ, և այդ կրթությունը բոլորի համար չպետք է լինի», – նշեց փոխնախարարը: Ըստ նրա՝ այսօր Հայաստանում կրթությունը միջազգային չափանիշներով խայտառակ էժան է. «Ինչպե՞ս եք պատկերացնում՝ էժան կոշիկը կարո՞ղ է լավը լինել՝ իհարկե, ոչ»:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ
Արհեստների միջազգային 5-րդ փառատոնն այս տարի կանցկացվի Մեղրիում
Արարատ Միրզոյանը «Երևանյան երկխոսությունում» երիտասարդների հետ քննարկել է Հայաստանի արտաքին քաղաքակա...