Ցուկերբերգը չափազանց մեծ իշխանություն ունի սոցցանցերում. Իլոն Մասկ

Tesla-ի գործադիր տնօրեն Իլոն Մասկը մեղադրել է Meta-ի գործադիր տնօրեն Մարկ Ցուկերբերգին հանրային բանավեճը չափազանց ուժեղ վերահսկելու մեջ։

«Ինչ վերաբերում է ԶԼՄ-ներում սեփականությանը, նկատի ունեմ, որ կա Մարկ
Ցուկերբերգ, ում պատկանում է Facebook-ը, Instagram-ը եւ WhatsApp-ը, եւ
բաժնետոմսերի կառուցվածք, որտեղ Մարկ Ցուկերբերգ XIV կշարունակի վերահսկել
այդ կազմակերպությունները»,- ասել է Մասկը՝ ըստ երեւույթին նկատի ունենալով
թագավոր Լուի XIV-ին՝ «Արեւ Աստծուն», ում հարստությունն ու իշխանությունը
հսկայական էին:
«Մեզ մոտ Twitter-ում նման բան չի լինի»,- հավելել է Մասկը, որը ներկայում
հավակնում է գնել Twitter-ը ավելի քան 40 միլիարդ դոլարով:
Իր պոտենցիալ սեփականության մասին Մասկն ասել է, որ ցանկանում է
հնարավորինս շատ բաժնետերերի պահպանել: Ներկայում նրան է պատկանում
Twitter-ի 9.1 տոկոսը:
Ըստ Daily Mail-ի, Մասկը նաեւ հայտարարել է, որ ցանկանում է Twitter-ի
ալգորիթմը բաց եւ թափանցիկ պահել եւ թույլ տալ կայքին սխալվել հօգուտ խոսքի
ազատության, այլ ոչ թե գրաքննության: Մասկը հավելել է, որ Twitter-ը կարող
է որպես «խոսքի ազատության ներառական հարթակ» հանդես գալ։