Ավելորդ քաշը կրճատում է տղամարդկանց սերմնաբջիջների քանակը
Որքան շատ ավելորդ քաշ ունի տղամարդը, այդքան բարձր է նրա մոտ լիարժեք անպտղության զարգացման հավանականությունը։ Այս մասին ասվում է նոր հետազոտության մեջ, որը հրապարակվել է International Journal of Andrology ամսագրում։
Գիտնականները նախկինում էլ էին կռահում, որ ավելորդ քաշը բացասաբար է անդրադառնում տղամարդկանց առողջության վրա, սակայն այդ հետազոտությունն առաջին ապացույցն է ճարպակալումով տառապող տղամարդկանց սերմնահեղուկի վատ պարամետրերի մասին։ Համակարգչային հաշվարկների հիման վրա ստացված տվյալները թույլ են տալիս հավաստիացնել, որ անպտղության բուժման ոլորտի մասնագետներն իրենց բուժումը սկսելուց առաջ պետք է հաշվի առնեն ծնողական ճարպակալման գործոնը։
Հետազոտությանը մասնակցել է 1285 տղամարդ։ Նրանց մասին ամբողջ տեղեկատվության վերլուծության հիման վրա մասնագետները հանգել են այն եզրակացության, որ ճարպակալումը միանշանակ կապակցված է սերմնահեղուկի ավելի ցածր ծավալի, սերմնաբջիջների քանակի, դրա խտության ու շարժունակության հետ, նաեւ դրա մեծաքանակ դեֆեկտների հետ։ Որոշ զարգացած երկրներում յուրաքանչյուր երրորդ զույգն արդեն բախվում է որեւէ խնդրի սաղմնավորման ժամանակ ու տարեցտարի տղամարդկանց անպտղության ցուցանիշները մշտապես աճում են։ Հայտնի ռիսկի գործոններից են տղամարդկանց տարիքը, ծխելը, ոգելից խմիչքի չարաշահումը, ցածր ֆիզիկական ակտիվությունն ու մարմնի ավելորդ քաշը, նաեւ վատ ժառանգականությունը։
«Ճարպակալումով տառապող տղամարդկանց առողջությունն ու սեմնաբջիջների վերարտադրողական ցուցանիշները զգալիորեն զիջում են՝ թե որակապես, թե քանակապես,- շեշտել է բժիշկ Գոտումուլալա Ռամարաջուն, հետազոտության հեղինակը։ - Մեր ստացած արդյունքները թույլ են տալիս ենթադրել, որ ավելորդ քաշից ազատվելու ուղղությամբ սաղմնավորումից առաջ ձեռնարկված ջանքերը զգալիորեն բարձրացնում են հայրանալու հավանականությունը»։
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ
Արհեստների միջազգային 5-րդ փառատոնն այս տարի կանցկացվի Մեղրիում
Արարատ Միրզոյանը «Երևանյան երկխոսությունում» երիտասարդների հետ քննարկել է Հայաստանի արտաքին քաղաքակա...