«Եթե ինձ ասեն՝ ձեր վարչապետն այսպես է ասում, ի՞նչ պետք է ասեմ, ի՞նչ պետք է ասի Հայաստանի պատվիրակը». Րաֆֆի Հովհաննիսյան
Հայաստանի առաջին արտգործնախարար Րաֆֆի Հովհաննիսյանի խոսքով՝ 30 տարի Հայաստանը պայքարում էր, որպեսզի ունենար քաղաքացու ազատություն, կրթական համակարգը չլինի կուսակցականացված, չլինեն քաղբանտարկյալներ, դատական համակարգը լինի ազատ, սակայն այսօր «երկիրը հասել է այնտեղ, որ պատմությունը եկել է ի շրջանս յուր»։
«Այսօր դատավորն այն վտանգի տակ է, որ կարող է դառնալ քաղաքական բանտարկյալ այն բանի համար, որ նա օգնում է, որպեսզի Հայաստանը չունենա քաղաքական բանտարկյալ։ Այս շարունակվող ընթացքը Հայաստանի ապագայի համար ուղղակի անտանելի է դառնում։ Հետևաբար՝ հայ ժողովուրդը պետք է քայլեր կատարի, որպեսզի այդ ընթացքի առաջն առնի։ Երկար պայքարել ենք, որպեսզի այս վիճակը չլինի, և ցավ ենք ապրում, որ այս պայքարը 25 հոգու պայքար չէր, այլ համաժողովրդական պայքար էր, հասել է այստեղ»,- այսօր հրավիրած ասուլիսի ժամանակ նշեց Րաֆֆի Հովհաննիսյանը։
Ըստ նրա, եթե վիճակն այսպես շարունակվի, բումերանգի նման հարվածելու է ոչ միայն բոլորին, այլև Նիկոլ Փաշինյանին ու նրա թիմին, ինչը բոլորի թուլության օբյեկտիվ արտացոլանքն է, ինչը երևում է արտաքին քաղաքականության դրսևորումներում։
«Ինքս տարբեր իշխանությունների ժամանակ եղել եմ ընդդիմադիր, կարող եմ դժգոհություն հայտնել յուրաքանչյուր նախագահի այս կամ այն հարցազրույցի, դիրքորոշման, սկզբունքի, արտաքին քաղաքական քայլի վերաբերյալ, սակայն հրապարակավ բոլորս ունեցել ենք մեր ազգային շահը, հայկական մոտեցումը»,- հավելեց նա։
Միաժամանակ նա ընդգծեց, որ փետրվարի 7-ին պետք է ելույթ ունենա Եվրոպական ժողովրդական կուսակցության քաղաքական Ասամբլեայում։
«Եթե ինձ ասեն՝ ձեր վարչապետն այսպես է ասում, ի՞նչ պետք է ասեմ, ի՞նչ պետք է ասի Հայաստանի պատվիրակը, պետք է ուղղակի հակադրվի Թուրքիայի, Ադրբեջանի և թե Հայաստանի ղեկավարներին։ Առաջին անգամ չէ, որ այս հարցերը հաղթահարել ենք, պիտի շարունակենք մեր պայքարն իրավունքի համար թե՛ ներսում, թե՛ դրսում։ Սակայն այս վիճակը տանելի չէ բոլորիս համար։ Խտրականության հարց չեմ դնում, սա համազգային մարտակոչ է, որը հակասության մեջ է մտնում ինքն իր հետ, սեփական խոսքի հետ։ Ես դրա համար ցավում եմ»,- ընդգծեց Րաֆֆի Հովհաննիսյանը։
ՀՀ ԱԺ արտահերթ նստաշրջան - 02.07.2026
Վենեսուելայի երկինքը կարմրել է երկրաշարժից հետո (տեսանյութ)
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
ԱՄՆ-ն Մերձավոր Արևելք է տեղափոխել F-16C կործանիչներ
ՆԳՆ քրեական ոստիկանները վնասազերծել են խոշոր չափերի համակարգչային հափշտակություններ իրականացնող խմբի
Ես քաղաքականությունից չեմ հեռանալու, քաղաքականության էջը չեմ փակում. Ալեն Սիմոնյան
Ֆրանսիայում հրշեջները պայքարում են անտառային հրդեհների դեմ
Կասեցվել է «Օքսիջեն»-ի հացի թխման արտադրամասի գործունեությունը
Ռուսաստանը զանգվածային հարվածներ է հասցրել Կիևին․ բազմաթիվ զոհեր, վիրավորներ և անհետ կորածներ կան