Հայաստանը գյուղմթերքների արտահանման հետ կապված խնդիրներ ունի

Գյուղատնտեսության մեջ 1,1% մակարդակի անկումը վկայում է այն մասին, որ չնայած ահռելի գումարներին, որոնք երկար տարիներ ուղղվում են ոլորտին, արդյունքներ չկան։

Այս մասին փետրվարի 1-ին NEWS.am-ի թղթակցի հետ զրույցում ասաց տնտեսական գիտությունների դոկտոր Կարեն Ադոնցը։ «Կարեւոր է նկատի ունենալ, որ գյուղատնտեսությունը սննդի արդյունաբերության հումքի հիմնական աղբյուրն է, ուստի անկումը վկայում է գյուղատնտեսական մթերքների արտահանման խնդիրների մասին։ Հումքային բազան չի զարգանում։

Ինչ վերաբերում է արտահանման աճին (19,1%-ով - խմբ.), ապա այս ցուցանիշը, ինչպես նաեւ արդյունաբերական արտադրության աճը (3,3%-ով - խմբ.), պայմանավորված են պղնձի համաշխարհային գներով, իսկ ներմուծման աճը (16,9%-ով - խմբ.) վկայում է ներմուծման ակտիվ փոխարինման բացակայության մասին»,- նշեց նա։