Ադրբեջանցի երկու գերիներին առանց նախապայմանների վերադարձնելը պետական դավաճանություն է
Ադրբեջանցի գերեվարված երկու զինծառայողներին հնարավոր կլիներ փոխարիներ գոնե մեկ հայ ռազմագերու հետ։ Այս մասին NEWS.am-ի հետ զրույցում ասաց ռազմական փորձագետ Վան Համբարձումյանը՝ անդրադառնալով Նիկոլ Փաշինյանի հնչեցրած այն հայտարարությանը, որ գերեվարված երկու ադրբեջանցի զինծառայողներն առանց նախապայմանի են վերադարձվել հակառակորդ կողմին։
«Փաշինյանի արածն իմ կարծիքով՝ պետական դավաճանություն է։ Երբ Հայաստանը բազմաթիվ գերիներ ունի, անհետ կորածների մեծ մասն էլ գերեվարության մեջ են, առանց նախապայմանների բաց թողնելը պատմական մաշտաբով դավաճանություն է, սրբապղծություն։ Այդպիսով քո զորքի, զինվորի ողնաշարն ավելի ես ջարդում։ Սահմանին մեծ թվով զորք է կուտակված, իսկ դա հենց այնպես չէ, ամեն վայրկյան կարող է մարտական գործողություն սկսվել, օրինակ՝ ինչպես մի քանի շաբաթ առաջ սկսվեց։ Նման սրացում, եթե էլի սկսվեց քո զինվորը նման հոգեբանությամբ ինչպե՞ս է կռվի բռնվելու իմանալով, որ եթե գերեվարվի ու ադրբեջանցին մեծահոգի գտնվի ու վերադրաձնի դատելու են, իսկ եթե ինքը գերեվարի բաց են թողնելու՝ առանց որեւէ նախապայմանի։ Դու ցույց ես տալիս, որ պետություն չես, քո զինվորը գերագույն գլխավոր հրամանատար չունի»,- նշեց նա։
Վան Համբարձումյանի կարծիքով՝ գերեվարված զինծառայողներին հնարավոր կլիներ փոխանակել գոնե մեկ հայ ռազմագերու հետ։
«Իրենք իրենց զինծառայողներին այստեղ, մանավանդ հիմա՝ երբ հաղթած երկիրին են, չէին թողնի։ Դա կարող էր բիծ թողնել հաղթանակի վրա, իշխանության վրա։ Այն կարող էր ազդել նաեւ հասարակության վրա։ ։Հատկապես հիմա էլ, երբ հիմա իրենք ընտանիքով Շուշիում տոնի մեջ են Ամանորից առաջ։Սրա համար մինիմալ բանակացություններ էին անհրաժեշտ։ Ռուսական կողմը կբանակցեր գոնե երկու հոգու հետ կբերեին»,- ընդգծեց Համբարձումյանը։
Համբարձումյանի խոսքով՝ գերիներին առանց նախապայմանների վերադարձնելու համար երեք պատճառ կարող էր լինել։
«Կամ ինչպես, որ մարդիկ են ասում՝ Փաշինյանը հակառակ կողմի համար է աշխատում։ Կամ պատերազմը շատ ուժեղ վախեցրել է իրեն եւ Նիկոլը, որն ասում էր՝ Արցախը Հայաստան է եւ վերջ, այդ Նիկոլն այլեւս չկա, կամ էլ՝ ինչ-որ քաղաքական հաշվարկ է, բայց ես չեմ հավատում, որ Նիկոլ Փաշինյանը կարող էր նման քաղաքական կոմբինացիա մտածել»,- ասաց Համբարձումյանը։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԵՔՀ 8-րդ գագաթնաժողովի բացման արարողությունը Երևանում. ուղիղ