Պղինձը թանկանում է

Երկուշաբթի առավոտյան պղինձը թանկանում է Պերուից դրա մատակարարումների հնարավոր ընդհատումների պատճառով, վկայում են աճուրդների տվյալները։

Comex բորսայում պղնձի մարտյան ֆյուչերսների գինն աճել է 0.22 տոկոսով՝ հասնելով 4.2855 դոլարի ֆունտի դիմաց (մոտ 0.45 կիլոգրամ)։

Լոնդոնի մետաղների բորսայում (LME) ուրբաթ օրվա վերջի դրությամբ պղնձի մեկ տոննայի արժեքը նվազել է 0.82 տոկոսով` մինչեւ 9418 դոլար, ալյումինի գինն աճել է 0.88 տոկոսով` մինչեւ 2623 դոլար, ցինկի արժեքը՝ 0.49 տոկոսով` մինչեւ 3161.5 դոլար մեկ տոննայի դիմաց։