Հայաստանի կառավարությունը պետք է կտրուկ միջոցներ ձեռնարկի՝ ընդհուպ մինչև ուժի կիրառում. իրանագետ
Հայաստանի կառավարությունը պետք է կտրուկ միջոցներ ձեռնարկի՝ ընդհուպ մինչև ուժի կիրառում: «Փաստինֆո»-ի հետ զրույցում նման կարծիք է հայտնել իրանագետ Գառնիկ Ասատրյանը՝ անդրադառնալով Որոտանում ստեղծված իրավիճակին:
Հիշեցնենք, որ Ադրբեջանը Գորիս-Կապան ճանապարհի Որոտանի հատվածում անցակետ է տեղադրել:Նրանք իրանական բեռնատարների ստուգումներ են իրականացնում, փաստաթղթեր և գումար պահանջում իրանցի վարորդներից,ինչի հետևանքով անցակետում կուտակումներ են առաջանում, իսկ երեկ Գորիս-Կապանին ադրբեջանցիները 2 իրանցի վարորդի են ձերբակալել, տեղափոխել Բաքու։ Ադրբեջանական լրատվամիջոցների փոխանցմամբ՝ նրանց կասկածում են լրտեսության մեջ։
Իրանագետի համոզմամբ՝ սա հատկապես մեծ ազդեցություն կունենա հայ-իրանական տնտեսական հարաբերությունների վրա.
«Եթե ճանապարհը փակվի կամ դրա տարողությունը փոքրանա, բնականաբար,հայ-իրանական տնտեսական հարաբերությունները կարող են խաթարվել:
Ադրբեջանցիները հատուկ են անում, որպեսզի հայ-իրանական տնտեսական հարաբերությունները թուլանան: Ի վերջո, սա միտված է Հայաստանի թուլացմանը և Սյունիքի վերջնական զավթմանը»,-ասաց զրուցակիցը և հավելեց, որ Ադրբեջանը փորձում է հոգեբանական ճնշում գործադրել Սյունիքի բնակչության վրա և նրանց մոտ մեկուսացման և անկլավային տրամադրություն առաջացնել.
«Եթե այսպես շարունակվի, հնարավոր է իսկապես այդպիսի տրամադրություն լինի».-ավելացրեց փորձագետը:
Անդրադառնալով իրանցի վարորդների ձերբակալմանը, փորձագետն ասաց, որ սրա հետևանքով հնարավոր է իրանցի վարորդներն այլևս չցանկանան մեր տարածքով բեռներ փոխադրել.
«Եթե ձերբակալում են վարորդներին, սա նշանակում է, որ ապրանքափոխանակությունը ծավալը կնվազի, մարդիկ ասում են՝ գնում ենք այնտեղ, թուրքերը մեզ ձերբակալում են, էլ չենք գնա»:
Գառնիկ Ասատրյանն ընդգծեց, որ Հայաստանի կառավարությունը պետք է կտուկ միջոցներ ձեռնարկի այս ուղղությամբ՝ ընդհուպ մինչև ուժի կիրառում.
«Եթե այլ միջոցներ չեն օգնում, ուժի կիրառումը մնում է վերջին տարբերակը: Դա մեր տարածքում է գտնվում, բնականաբար, մենք ենք պարտավոր դա անել, Իրանը չի կարող դա անել»,-ասաց զրուցակիցը և ավելացրեց, որ Իրանը ևս լծակներ ունի Ադրբեջանի վրա, որը կարող է օգտագործել:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
ԵՔՀ 8-րդ գագաթնաժողովի բացման արարողությունը Երևանում. ուղիղ