Որոտանի հատվածում իրանական մեքենաներ են կուտակվել․ ադրբեջանցիները թույլ չեն տալիս անցնել իրանցիներին, որոնք չեն վճարում
Գորիս-Կապան ճանապարհի Որոտանի հատվածում իրանական բեռնատար մեքենաներ են կուտակված, որոնց ադրբեջանցիները թույլ չեն տալիս անցնել մինչև վարորդները չվճարեն։ Այս մասին NEWS.am-ի հետ զրույցում ասաց Գորիսի փոխքաղաքապետ Կարեն Քոչարյանը։
«Այն վարորդները, որոնք գումար ունեն, վճարում են ադրբեջանցիներին և հանգիստ անցնում։ Իսկ վարորդները, որոնք իրենց մոտ գումար չեն ունենում, սպասում են այնքան, մինչև իրենց գումար ուղարկեն և վճարեն։ Մեքենաների կուտակումն այս պատճառով է»,- ասաց փոխքաղաքապետը։
Հստակ թիվ, թե քանի մեքենա է այս պահին կուտակված ավտոճանապարհին, Կարեն Քոչարյանը չնշեց․ «Երկողմանի մեքենաները շատ են։ Կարող է մի կողմում 50 մեքենա լինի, մյուս կողմում՝ 70»։
Տեղեկությունը, ըստ որի ճանապարհին մնացած իրանցի վարորդները սպառնացել են փակել Գորիս-Կապան ավտոճանապարհը, փոխքաղաքապետը չհաստատեց։
«Ես քիչ առաջ եմ լսել այդ մասին։ Այս պահին ոչինչ ասել չեմ կարող»,- հավելեց նա։
Հիշեցնենք, որ Որոտանի հատվածում ոստիկանական անցակետ տեղադրելուց հետո, ադրբեջանցիներն կանգնեցնում են Իրանից եկող բեռնատարների վարորդներին, ստուգում նրանց, գումար գանձում եւ հետո միայն թողնում ճանապարհը շարունակել։ Երեկ էլ ադրբեջանցիները ձերբակալել էին երկու իրանցի վարորդի։
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Մահացել է ՀՀ վաստակավոր արտիստ Արտաշես Ալեքսանյանը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Կասեցվել է Վանաձորի գազալցակայաններից մեկի հեղուկ գազի վաճառքը
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
«Ուժեղ Հայաստան»-ը կվերցնի մանդատները և կգնա Ազգային ժողով
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստան...
Սահմանազատում, ԹՐԻՓՓ և բարեփոխումներ. ԱԺ պաշտպանության հանձնաժողովի նախագահը հանդիպել է ՀՀ-ում ԵՄ քա...