Իլոն Մասկ. Starship հրթիռի առաջին ուղեծրային տեղադրումն առաջիկա շաբաթներին պետք է պատրաստ լինի թռիչքի

Starship հրթիռի առաջին ուղեծրային տեղադրումն առաջիկա շաբաթներին պետք է պատրաստ լինի թռիչքի: Twitter-ում գրել է SpaceX-ի հիմնադիր Իլոն Մասկը, ինչը միլիարդատիրոջը մեկ քայլով մոտեցնում է ուղեծրային, այնուհետեւ միջմոլորակային ճանապարհորդության իր երազանքին:

Մայիսին SpaceX-ը հաջողությամբ արձակել էր իր Starship-ի SN15 նախատիպը՝ բազմակի օգտագործման մեծ բեռնատարողության հրթիռը, որն ի վերջո կկարողանա տիեզերագնացներին եւ զանգվածային բեռներ հասցնել Լուսին եւ Մարս: Վայրէջքը տեղի է ունեցել այն բանից հետո, երբ նախատիպի վայրէջք կատարելու նախորդ չորս փորձերը ավարտվել էին պայթյուններով:

«Առաջին ուղեծրային Starship-ը թռիչքի պետք է պատրաստ լինի մի քանի շաբաթից, երբ ստանանք կարգավորող մարմինների հաստատումը»,- Twitter-ում գրել է Մասկը:

SpaceX-ի նոր սերնդի Starship-ը հասնում է 120 մետր բարձրության՝ առաջին փուլի գերծանր ուժեղացուցիչի հետ համատեղ: