Հայաստանում ՌԴ դեսպանը ձեռնպահ է մնացել տարածաշրջանում իրավիճակի վրա ողբերգության ազդեցությունը գնահատելուց
![](/timthumb.php?src=/disc/21-05-24/469d3423d8dc4bab1e99fab69bc917ae.jpg&w=708)
Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինը ձեռնպահ է մնացել տարածաշրջանում ստեղծված իրավիճակի վրա ողբերգության ազդեցությունը գնահատելուց։
Կոպրիկինը նշել է, որ բոլորը ցնցված են Իրանի նախագահ Իբրահիմ Ռաիսիին տեղափոխող ուղղաթիռի վթարից։ Նա պատմել է, որ զանգել է Երևանում Իրանի դեսպանին և հաղորդակից դարձրել իր զգացմունքներին ոգու արիություն մաղթել: ՌԴ դեսպանն ասել է, որ կատարվածն իսկապես ողբերգություն է բոլորի և առաջին հերթին Իրանի ժողովրդի համար։
«Բայց, ցավոք, սա ողբերգական արդյունք է։ Բոլորը ցնցված են»,- լրագրողների հետ զրույցում նշել է դեսպանը։
Հարցին՝ արդյոք Իրանի ղեկավարության մահը կարող է ազդել տարածաշրջանային կայունության վրա, Կոպիրկինն առաջարկել է այս հարցը թողնել վերլուծաբաններին և փորձագետներին. «Ձեռնպահ կմնամ որևէ գնահատական տալուց»: