Ադրբեջանի իշխանությունները երկարացրել են Արկադի Ղուկասյանի ձերբակալման ժամկետը
![](/timthumb.php?src=/disc/14-05-24/e2bbfec3973853f345b6b93b638cf4cb.jpg&w=708)
Ադրբեջանի իշխանությունները շարունակում են ֆարսը, եւ այդ ֆարսի շրջանակում երկարացրել են ադրբեջանական գերության մեջ գտնվող Արկադի Ղուկասյանի՝ Լեռնային Ղարաբաղի Հանրապետության նախկին նախագահի ձերբակալման ժամկետը։
Ինչպես տեղեկացրել է APA-ն, «Բինաղադինի շրջանային դատարանում դիտարկվել են միջնորդությունը եւ նախնական քննություն իրականացնող դատախազի առաջարկը։
Առաջարկվել է խափանման միջոցը երկարացնել եւս մի քանի ամսով, ինչը փաստարկվել է խոշոր քրեական գործի նախնական քննության շարունակմամբ։
Դատարանը բավարարել է միջնորդությունն ու առաջարկը։
Որոշման համաձայն՝ Ա.Ղուկասյանին կալանքի տակ պահելու ժամկետը երկարացվել է 5 ամսով»։
Բացի այդ, դատարանն ստացել է առաջարկ եւս մեկ բարձրաստիճան գերու ձերբակալման ժամկետը երկարացնելու մասին, նրա անունը չի նշվում։