Ալիեւը պահանջել է «լուծարել ԵԱՀԿ Մինսկի խումբը»
Ադրբեջանի նախագահ Իլհամ Ալիեւը պահանջել է «լուծարել ԵԱՀԿ Մինսկի խումբը»։ Իր պահանջը նա հնչեցրել է ԵԱՀԿ գործող նախագահ, Մալթայի Հանրապետության արտաքին, եվրոպական գործերի եւ առեւտրի նախարար Յան Բորգի հետ հանդիպման ժամանակ։
Ինչպես հայտնել է APA-ն, Բորգը հայտնել է, որ Մալթան աջակցում է Ադրբեջանի եւ Հայաստանի միջեւ հարաբերությունների կարգավորմանը եւ խաղաղության պայմանագրի բանակցային գործընթացին։
Ալիեւը տեղեկացրել է, որ հենց Ադրբեջանն է նախաձեռնել «խաղաղ» գործընթացը երկու երկրների միջեւ եւ հիմնարար սկզբունքները, որոնք կազմում են այդ գործընթացի հիմքը, խաղաղության համաձայնագրի տեքստը նույնպես պատրաստվել եւ ներկայացվել է քննարկման Ադրբեջանի կողմից։
Այնուհետեւ Ալիեւը անցել է մեղադրանքներին՝ հայտնելով, որ «թեեւ մեր հողերի օկուպացիայի հարցը կար ԵԱՀԿ օրակարգում, ոչ այդ կազմակերպությունը, ոչ Մինսկի խմբի համանախագահության մեխանիզմը ոչինչ չեն արել հակամարտության հետեւանքների վերացման, ադրբեջանական տարածքների ազատագրման համար։ Այս տարիների ընթացքում ԵԱՀՄ Մինսկի խմբի համանախագահների իրականացրած բանակցային գործընթացը ծառայել է ադրբեջանական տարածքների օկուպացիայի շարունակմանը»։
Հայտնելով, որ հայ-ադրբեջանական հակամարտությունն արդեն պատմության գիրկն է անցել եւ այն գոյություն չունի, Ալիեւը հայտարարել է, որ «եկել է ԵԱՀԿ Մինսկի խումբը լուծարելու ժամանակը»։ Ադրբեջանական կողմը բարձրացրել է այս հարցը, եւ որեւէ պատճառ չկա, որով հայկական կողմը կարող է չհամաձայնել դրան, կարծում է Ալիեւը։
Oտարերկրացիները կզրկվեն վարորդական իրավունքից. ՌԴ ՆԳՆ
Թեժ մթնոլորտ՝ ԱԺ–ում․ Գառնիկ Դանիելյանը հունից դուրս եկավ, վիճաբանություն սկսվեց (տեսանյութ)
Փետրվարի 1-ից հասարակական տրանսպորտից օգտվելիս վճարումները կարող եք կատարել երեք տարբերակով. Ավինյան
Լուսինե Բադալյանի հրաժարականի պատճառը նաեւ Արսեն Թորոսյանն է
Ալեն Սիմոնյանը բացատրել է, թե ինչու Արցախ բառն օգտագործելուց հետո «ուղղեց իր սխալը» և ասաց «Ղարաբաղ»
Մեր մոլորակին սպառնում է աղետալի մեգա-երկրաշարժ
Մարդիկ հեռանում են համակարգից անտանելի վատ աշխատանքային պայմանների պատճառով. Վարդուհի Սարգսյան
Արմեն Մելիքբեկյանի գլխին մութ ամպեր են կուտակվում
ԱՄՆ նոր պետքարտուղարը հայտարարություն է արել Ուկրաինայի հակամարտության ավարտի մասին
ՔՊ-ում փնտրում են «դավաճանին»