Ինձ ու մյուսներին դատում են Արցախի համար պայքարելու համար, զենքով սահմանը հատած ադրբեջանցուն չեն դատում. Լեւոն Քոչարյան
![](/timthumb.php?src=/disc/04-03-24/3d38aeedc952f56339d2a24c654ae7c4.jpg&w=708)
Ինձ ու մյուսներին դատում են Արցախի համար պայքարելու համար, իսկ զենքով սահմանը հատած ադրբեջանցուն չեն դատում: Այս մասին իր տելեգրամ ալիքում գրել է ՀՀ ԱԺ պատգամավոր Լեւոն Քոչարյանը՝ մեկնաբանելով ԱԱԾ հայտարարությունը՝ ՀՀ պետական սահմանը հատած ադրբեջանցի զինծառայողին վերադարձնելու մասին:
Հիշեցնենք, որ ԱԱԾ-ն հայտարարել էր, որ որպես բարի կամքի դրսևորում և ի կատարումն Հայաստանի Հանրապետության և Ադրբեջանական Հանրապետության միջև բարձրագույն մակարդակում ձեռք բերված պայմանավորվածության, որ երկու կողմերի մոլորված և հակառակ կողմում հայտնված զինծառայողները սեղմ ժամկետներում պետք է վերադարձվեն, Հայաստանի Հանրապետությունը որոշում է կայացրել Ռուսլան Էլդանիս-Օղլու Փենախովին հանձնել ադրբեջանական կողմին։