Իրանի ԻՀՊԿ Telegram ալիք. Ադրբեջանի իշխանությունները ձերբակալում են բոլոր շիա հավատացյալներին
Ադրբեջանի իշխանությունները ձերբակալում են բոլոր շիա հավատացյալներին իրանցի լրտես կամ թմրամոլ լինելու պատրվակով, գրում է Իրանի ԻՀՊԿ-ի Telegram ալիքը։
Ըստ աղբյուրի՝ «Մահմեդական միասնություն» շարժման 67 անդամ գտնվում է բանտում, նրանց բոլորին մեղադրանք է առաջադրվել թմրանյութ պահելու համար։
«Ձերբակալվածներն ունեն ընտանիքներ, հիվանդներ, փոքր երեխաներ։
Օրինակ՝ Բախտիար Մամեդովի կինը քաղցկեղով հիվանդ է։ Այս ընտանիքի համար ապրելն առանց այդ էլ դժվար էր։ Նման մարդկանց թմրամոլության մեջ մեղադրելը անմարդկային արարք է։ Այն դեպքում, երբ ընտանիքում նույնիսկ ծխախոտ չեն օգտագործում»,- հայտարարել են ձերբակալվածներից մեկի հարազատները։
«Մահմեդական միասնություն» շարժումը ձերբակալությունների նոր ալիքը համարում է զտում կրոնական ակտիվիստների դեմ։
Փետրվարի 27-ին դատապարտվել է շարժման կալանավորված անդամներից Ազադ Քարիմովը։ Բաքվի ծանր հանցագործությունների դատարանի դատավճռով՝ դատավոր Ֆախրի Մամեդովի նախագահությամբ, Ազադ Քերիմովը դատապարտվել է 3 տարի 6 ամիս ազատազրկման։
Իրավապաշտպանները հայտնում են, որ վերջին մեկուկես տարվա ընթացքում երկրում ավելի քան 500 հավատացյալ է ձերբակալվել։ Ձերբակալվածների մեծ մասը մեղադրվել է թմրանյութ պահելու մեջ։ Սակայն նրանք իրենց մեղավոր չեն ճանաչում և ասում են, որ պատժվել են կեղծ մեղադրանքով։
Ներքին գործերի նախարարության մամուլի ծառայությունը հայտնում է, որ ձերբակալվածները կալանավորվել են կոնկրետ փաստերի հիման վրա»,- ընդգծում է Իրանի Իսլամական հեղափոխության պահապանների կորպուսի Telegram ալիքը։