Ճապոնիայում աղջիկը բաց օվկիանոսում անցկացրել է 36 ժամ
![](/timthumb.php?src=/disc/11-07-24/612e32f8a8ea495860574009922391ce.jpg&w=708)
Ալիքները օվկիանոսի խորքն են տարել 21-ամյա չինացի աղջկան, երբ նա լողում էր Ճապոնիայի լողափերից մեկում, նա ջրում անցկացրել է 36 ժամ, մինչեւ որ նրան փրկել է կողքով անցնող նավը։ Այս մասին տեղեկացրել է Kyodo տեղեկատվական գործակալությունը։
Չինաստանի քաղաքացուհին ընկերների հետ միասին գտնվում էր Իձու թերակղզու լողափին (Տոկիոյից հարավ-արեւմուտք)։ Նա լողում էր օղակով եւ հանկարծ անհետացել է։ Այդ ժամանակ ալիքների բարձրությունը հասնում էր երեք մետրի։ Նրա ընկերները ոստիկանությանը տեղեկացրել են աղջկա անհետանալու մասին։
Օվկիանոսը խորք նետված աղջկան պատահաբար հայտնաբերել է կողքով անցնող ճապոնական լցանավը Իձուից 80 կիլոմետր հեռու։ Ավելի ուշ ափային պահպանության ուղղաթիռը տուժածին հասցրել է Յոկոհամա քաղաքի հիվանդանոց։ Նրա մոտ հայտնաբերվել են ջրազրկման ախտանշաններ, բայց աղջիկը հոսպիտալացման կարիք չուներ։