Զախարովան ներկայացրել է Մոսկվա Հայաստանի ԱԳ նախարարի առաջիկա այցի մանրամասները
Պայմանավորվածության համաձայն՝ հոկտեմբերի 11-13-ը նախատեսվում է Հայաստանի ԱԳ նախարար Զոհրաբ Մնացականյանի այցը Մոսկվա, որի ժամանակ իր ռուսաստանցի գործընկեր Սերգեյ Լավրովի հետ հանդիպմանը նա կքննարկի տարածաշրջանային անվտանգության հարցեր եւ միջազգային խնդիրներ։ Այս մասին ճեպազրույցում հայտնել է ՌԴ ԱԳՆ պաշտոնական ներկայացուցիչ Մարիա Զախարովան։
«Ակնհայտ է, որ ուշադրության կենտրոնում է լինելու ղարաբաղյան հակամարտության գոտում ծայրահեղ բարդ իրավիճակը։ Ռուսաստանը ինչպես իր ազգային կարողություններով, այնպես էլ ԵԱՀԿ Մինսկի խմբի շրջանակում ներդնում է բոլոր ջանքերը՝ ուղղված կրակի անհապաղ դադարեցմանը եւ բանակցությունների վերսկսման համար պայմանների ստեղծմանը»,- նշել է նա։
Նրա խոսքով՝ կողմերը քննարկելու են երկկողմ համագործակցության բազմապլան հարցերի լայն շրջանակ, ԵՏՄ, ՀԱՊԿ, ԱՊՀ շրջանակում փոխգործակցությունը, միջազգային կազմակերպություններում, ինչպես՝ ՄԱԿ-ում, ԵԱՀԿ-ում, Եվրոպական խորհրդում դիրքորոշումների համակարգումը։
Այցի շրջանակում Մնացականյանը ծաղկեպսակ կդնի Անհայտ զինվորի գերեզմանին, նախատեսված են այլ միջոցառումներ։
«Երկկողմ հարաբերությունները, հիշեցնեմ դրանք դաշնակցային բնույթ են կրում, աչքի են ընկնում բարձրագույն եւ բարձր մակարդակներում ինտենսիվ քաղաքական երկխոսությամբ, արդյունավետ միջխորհրդարանական շփումներով։ Մենք հույս ունենք, որ այցը լրացուցիչ խթան կհաղորդի փոխշահավետ համագործակցությանը եւ կնպաստի Կովկասում անվտանգության ու կայունության ամրապնդմանը»,- նշել է նա։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է