Ուղիղ եթերում կոտրեցին Նաիրա Զոհրաբյանի ֆեյսբուքյան էջը

Մինչ ԱԺ ԲՀԿ-ական պատգամավոր Նաիրա Զոհրաբյանը ֆեյսբուքյան ուղիղ եթերում ելույթ էր ունենում՝ զարմանալով Երևանի քաղաքապետ Հայկ Մարությանի արձագանքի վրա, փորձեցին կոտրել նրա ֆեյսբուքյան էջը։

«Հերթական անգամ կոտրեցին իմ ֆեյսբուքյան էջը։ Չեմ դիմելու դատախազություն։ Պարզապես ուղիղ եթերի ընթացքում կոտրեցին, սա չընդունեք որպես հաղորդում հանցագործության մասին, քրեական գործ չհարուցեք»,-ասաց պատգամավորը։

Նրա խոսքում, մեկ անգամ արդեն հարուցվել է քրեական գործ, ինքը հրավիրվել է ՀՔԾ։

«Գնացի-եկա, գնացի-եկա։ Իմ օգնականները գնացին-եկան, արդյունքում ես ստացա գրություն, որ գործը կարճվում է»,-ասաց նա՝ կոտրողների հետևում կանգնածներին հորդորելով ռեսուրսներն ավելի կարևոր տեղ օգտագործել, լուծման կարիք ունեցող խնդիրները շատ են։