«Պետություն ենք կորցնում, գոնե գիտակցում ե՞նք սա». Արթուր Ղազինյան
Միջազգային պրոֆեսիոնալ և կոմպետենտ մարմիններից մեկը ստուգել է ՀՀ կառավարման որակը Հայկական կոնկրետ մեկ ծառայությունում և եկել եզրակացության, որ արդյունավետ կառավարում ուղղակի գոյություն չունի: Այս մասին իր ֆեյսբուքյան էջում գրել է «Մեկ Հայաստան» կուսակցության նախագահ Արթուր Ղազինյանը:
«Վերջին օրերի ընթացքում Հայկական հասարակությունը ալեկոծեց ՀՀ քաղաքացիական ավիացիայի վերաբերյալ Եվրոպական միության ավիացիոն անվտանգության գործակալության կողմից կիրառված պատժամիջոցների մասին լուրը։
Իսկ ի՞նչ է տեղի ունեցել։ Ոչ մի արտառոց բան, ուղղակի միջազգային պրոֆեսիոնալ և կոմպետենտ մարմիններից մեկը ստուգել է ՀՀ կառավարման որակը Հայկական կոնկրետ մեկ ծառայությունում և եկել եզրակացության, որ արդյունավետ կառավարում ուղղակի գոյություն չունի։
Եթե այդօրինակ այլ մարմիններ իրականացնեն նմանատիպ այլ ստուգումներ նաև Հայաստանի մնացած այլ ոլորտներում, ապա, երաշխավորում եմ, պատկերը կլինի նույնը։
Օրինակ, եթե համալիր ստուգում իրականացվի սննդի անվտանգության կամ տնտեսական մրցակցության պաշտպանության ոլորտներում, ապա, հավաստիացնում եմ, նույն եզրակացության կհանգեն։
Իսկ եզրակացությունը մեկն է. ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆԸ ՉԻ ԿԱՌԱՎԱՐԱՎՈՒՄ, ամեն ինչ թողնված է ինքնահոսի, որոշումները կայացվում են սիտուատիվ, տարերային և ոչ համակարգված ձևով։
Որոշումների հիմքում ոչ թե համակարգերի արդյունավետ կառավարումն է, այլ դրա գովազդը, պոռոտախոսությունը, մեծամտությունը, հանցավոր ինքնավստահությունը և ամեն ինչում վերջին ճշմարտացիությունը, որոնք քննարկման կամ քննադատության ենթակա չեն, իսկ ցանկացած փորձ քննադատել այս ամենը արժանանում է հայհոյանքի, անեծքի ու ծաղրի։
Այս իշխանությունը կիլոմետրով հեռու է խնդիրները լուծելուց, ոչ մի կապ չունի խնդիրները կառավարելու հետ, սակայն մասնագիտացած է խնդիրների մասին շատախոսելու, զազրախոսելու, սեփական մեղքերը ուրիշների վրա բարդելու, ամեն ինչում և ամենուրեք մեղավորներ փնտրելու կամ նշանակելու գործում։
ՊԵՏՈՒԹՅՈՒՆ ԵՆՔ ԿՈՐՑՆՈՒՄ, գոնե գիտակցում ե՞նք սա . . .
Հ.Գ. Խնդրում եմ այդ աղջկան հանգիստ թողեք, նա չափից դուրս մաքուր և միամիտ է, նա մեր պես չի մտածում։ Մեղավոր է նրան նշանակողը, որ գաղափար չունի պետության կառավարումից և կադրային քաղաքականությունից, մարդկային ռեսուրսների կառավարումից»։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան