Ճանապարհ է կառուցվելու, որը Իսակովի պողոտան միացնելու է Արշակունյաց պողոտային. Հայկ Մարության

Կնոջս եւ ընկերներիս հետ միասին 1300 միայնակ ապրող տարեց մարդկանց մթերքով փաթեթներ ենք բաժանել, որպեսզի մեկ ամսվա ընթացքում այս մարդիկ դուրս չգան տնից և վտանգված չլինեն՝ վարակվելու կորոնավիրուսով։ Այս մասին այսօր՝ ապրիլի 3–ին, ֆեյսբուքյան լայվում ասաց Երեւանի քաղաքապետը Հայկ Մարությանը՝ պատմելով, թե վերջին օրերին, որպես հասարակ քաղաքացի ինչով է զբաղված եղել։

«Որպես քաղաքապետ այս ծրագիրն անում ենք 2000 միայնակ ապրող տարեց մարդկանց համար եւ շարունակական եւս 2000 մարդկանց համար արվելու է», –ասաց նա։

Քաղաքապետի խոսքով՝ այսօր վարչապետի գլխավորությամբ անցկացվել է խորհրդակցություն, որի ընթացքում 2 հարց են քննարկել. «Շատ կոնկրետ քայլեր են արվելու մետրոպոլիտենի նոր կայարանի հետ կապված եւ ճանապարհ է կառուցվելու, որը միացնելու է Իսակովի պողոտան Արշակունյաց պողոտային. Մոնթե Մելքոնյանի փողոցը շարունակվելու է եւ դուրս է գալու Կոմիտասի այգու մոտ։ Այս ապհին կոնկրետ նախագծման աշխատանքներ են գնում եւ կաշխատենք տարվա վերջ սկսել շինարարական աշխատանքները։ Կկառուցվեն նաեւ դեպոներ, որ երբ ավտոբուսները գան, մեր նոր տրանսպորտային ցանցը գործի»։