Նիդեռլանդներում առողջապահության նախարարը հրաժարական է տվել
Նիդեռլանդներում կորոնավիրուսի բռնկման դեմ կառավարության պայքարի համար պատասխանատու նախարարը հրաժարական է տվել մեկ օր անց այն բանից, երբ ուշաթափվել էր համաճարակի հարցով խորհրդարանական քննարկումների ժամանակ, հայտնում է Reuters-ը։
Առողջապահության 56-ամյա նախարար Բրունո Բրյունիսը խորհրդարանում հարցերին պատասխանելիս ընկել է հատակին։ Ավելի ուշ նա ասել է, որ մի քանի շաբաթ լարված աշխատանքից հետո հոգնածությունից գիտակցությունը կորցրել է։
Կառավարության հայտարարության մեջ ասվում է, որ Վիլլեմ-Ալեքսանդր թագավորը, վարչապետ Մարկ Ռյուտեի խորհրդատվության համաձայն, ընդունել է նրա հրաժարականը՝ «Բրյունիսի կողմից ցուցաբերած շատ կարեւոր ծառայությունների համար շնորհակալություն հայտնելով»։
Փոխնախարար Ուգո դե Յոնգեն իր վրա կվերցնի Բրյունիսի պարտականությունները, ասվում է հայտարարության մեջ։
«Ես թույլ էի զգում հոգնածությունից եւ մի քանի շաբաթ լարված աշխատանքից։ Այժմ ես ինձ ավելի լավ եմ զգում։ Ես գնում եմ տուն, որպեսզի հանգստանամ այս երեկո, որպեսզի կարողանամ վերադառնալ աշխատանքի, որպեսզի, որքան հնարավոր է, լավ պայքարեմ ճգնաժամի դեմ»,- երեկ երեկոյան գրել է Բրյունիսը։
Նիդեռլանդներում կորոնավիրուսով վարակման դեպքերը հինգշաբթի օրը 409-ով ավելացել են՝ հասնելով 2460-ի։ Մահացել է 76 մարդ, որոնց տարիքը 63-95 է։
Ալյասկայում Ուկրաինայի վերաբերյալ համաձայնություն չի եղել. Ռուբիո
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
ՀՀ վարչապետ Նիկոլ Փաշինյանի ճեպազրույցը ուղիղ
Նպատակը՝ տրանսֆերային արժեքը հնարավորինս նվազեցնելն է
Վրաստանը կշարունակի իր պրագմատիկ քաղաքականությունը Ռուսաստանի հետ
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Փարիզում քննարկվել են Հայաստանի և ՅՈՒՆԵՍԿՕ-ի մշակութային համագործակցության հեռանկարները
ԱԱ-2026-ի փլեյ-օֆֆի նախնական ցանցն ունի հետևյալ տեսքը