Լուկաշենկոն հայտարարել է, որ իրեն շփոթեցրել է Բելառուսի հետ սահմանը փակելու Ռուսաստանի որոշումը
Բելառուսի նախագահ Ալեքսանդր Լուկաշենկոն հայտարարել է, որ իրեն շփոթեցրել է Բելառուսի հետ սահմանը փակելու Ռուսաստանի որոշումը: Այս մասին նա հայտարարել է կադրային նշանակումների ընթացքում՝ մեկնաբանելով կորոնավիրուսի հետ կապված իրավիճակը, հաղորդում է «Բելթա»-ն:
«Մեզ համար մեծ պատասխանատվություն է տնտեսությունը: Ցավոք, կորոնավիրուսի տարածքումն ազդում է տնտեսության վրա: Հասել էնրան, որ մեր հարազատ Ռուսաստանը փակել է Բելառուսի հետ սահմանը»,- ասել է Լուկաշենկոն: Միեւնույն ժամանակ, նա նշել է, որ Բելառուսում իրավիճակը հանգիստ է: Նրա խոսքով՝ Ռուսաստանում կորոնավիրուսի դեպքերն ավելի շատ են: «Եվ ո՞վ ումից պետք է վարակվի: Հռետորական հարց է»,- հավելել է նա:
Ռուսաստանում գրանցվել է վարակման 63 դեպք, Բելառուսում՝ 36 դեպք:
«Տեսնում եք, որ աշխարհը ցնորվել է այդ կորոնավիրուսից կամ էլ կորոնավիրուսի վերաբերյալ քննարկումներից: Մենք այդ վիրուսները վերապրել ենք եւ վերապրում ենք: Եղել են նման վիրուսներ՝ խոզի, թռչնի գրիպ, ատիպիկ թոքաբորբ: Զարմանում էին, թե որտեղից դրանք հայտնվեցին: Մեղավոր են ԶԼՄ-ները, որոնք լայնորեն լուսաբանում են այդ թեման»,- հավելել է Լուկաշենկոն:
Նրա կարծիքով՝ Բելառուսն ադեկվատ արձագանք է տալիս այդ սպառնալիքներին: «Կեցցեն բելառուսցիները: Բացառության մեկ դեպքի՝ մի գնեք դիմակներ, հատուկ հագուստ կամ դեղեր»,- նշել է Բելառուսի նախագահը: Նրա խոսքով՝ այն բանից հետո, երբ երկրում աճել է բժշկական դիմակների պահանջարկը, հայրենական ձեռնարկությունները սկսել են դրանց արտադրության ծավալների մեծացումը:
Ալյասկայում Ուկրաինայի վերաբերյալ համաձայնություն չի եղել. Ռուբիո
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
ՀՀ վարչապետ Նիկոլ Փաշինյանի ճեպազրույցը ուղիղ
Նպատակը՝ տրանսֆերային արժեքը հնարավորինս նվազեցնելն է
Վրաստանը կշարունակի իր պրագմատիկ քաղաքականությունը Ռուսաստանի հետ
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Փարիզում քննարկվել են Հայաստանի և ՅՈՒՆԵՍԿՕ-ի մշակութային համագործակցության հեռանկարները
ԱԱ-2026-ի փլեյ-օֆֆի նախնական ցանցն ունի հետևյալ տեսքը