Թրամփի մասնակցությամբ համաժողովի այցելուներից մեկի մոտ կորոնավիրուս է հայտնաբերվել

ԱՄՆ նախագահ Դոնալդ Թրամփի և փոխնախագահ Մայք Փենսի մասնակցությամբ անցկացվող համաժողովի այցելուներից մեկի մոտ կորոնավիրուս է հայտնաբերվել: Այս մասին տեղեկացնում է միջոցառման կազմակերպիչ Ամերիկյան պահպանողական միությունը:

«Այսօր (մարտի 7-ին) մենք տեղեկացանք, որ համաժողովի մասնակիցներից մեկի կորոնավիրուսի թեստը, ցավոք դրական պատասխան է տվել: Նա վարակվել է մինչև կոնֆերանսի սկսվելը: Հիվանդը մեկուսացվել է, և գտնվում է բժիշկների հսկողության ներքո` Նյու Ջերսի նահանգում»,-ասված է հայտարարության մեջ:

Կազմակերպիչները շտապել են ընդգծել, որ վարակված այցելուն չի շփվել նախագահի և փոխնախագահի հետ և չի մասնակցել գլխավոր սրահում անցկացված միջոցառումներին:

«Թրամփի աշխատակազմը տեղյակ է իրավիճակից և մենք շարունակում ենք կապ պահպանել պետական պաշտոնյաների հետ»,-նշված է հայտարարության տեքստում:

Կորոնավիրուսի համաճարակի մասին Չինաստանի իշխանություններն ԱՀԿ-ին հայտնել էին դեկտեմբերի 31-ին: Հայտնի է, որ վիրուսը տարածվել է Հուբեյ նահանգի Ուհան քաղաքից: Չինաստանի սահմաններից դուրս վարակների մեծ մասը հայտնաբերվել է Հարավային Կորեայում, Իրանում և Իտալիայում: Ընդհանուր առմամբ, վարակի դեպքեր են հաստատվել ավելի քան 80 երկրում: Առողջապահության համաշխարհային կազմակերպությունը հայտնում է, որ ամբողջ աշխարհում գրեթե 100 000 մարդ վարակվել է կորոնավիրուսով։

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը